Nota

a Tlajtoltin tlen okitekitiltijkej ipan Biblia tlen notlajtolkuepaj ken “tlaxtlauijli” techasikamachiltiaj itlaj tlen tiktlaxtlauas noso itlaj tlen uelis ika titlapatlas. San matikonteneuakan yejuin, tlajtojli ika hebreo kafár kijtosneki “xtsatsakua” noso xtlapacho (Génesis 6:14). Miyekpa, tlajtojli kafár notekitiltia para noijtos ika kintlapachouaj totlajtlakoluan (Salmo 65:3). Tlajtojli kófer kijtosneki itlaj tlen tiktemakaj para titlatlaxtlauaskej noso itlaj tlen tiktemakaj para titemakixtiskej (Éxodo 21:30). Noijki ijkon, tlajtojli ika griego lýtron, tlen miyekpa notlajtolkuepa ken “tlaxtlauijli” noijki uelis notlajtolkuepas ken itlaj tlen mamitsajxili para ika titlatlaxtlauas (Mateo 20:28). Griegos kitekitiltiayaj tlajtojli lýtron para kijtoskej kech nonekiya notlaxtlauas, para ijkon mamakisa se tlakatl akin okajsikej ipan guerra noso se tlakeuajli.