TLEN NOTLAJTOLTIAJ TELPOKAMEJ
¿Kenijki nechpaleuis Biblia? Parte 1: Xnexti ipan Biblia tlen ueyi kijtosneki
“Miyekpa yonikyejyeko nikpouas noBiblia, san ika, nikita ika melak ouijtika” (Briana, 15 xiuitl).
¿Noijki ijkon mopan nochiua? Tla kema, yejuin tlamachtijli ueli mitspaleuis.
¿Tleka melak noneki tikamapouaskej Biblia?
¿Tiknemilia ika melak tetlatsiuiti tikamapouas Biblia? Miyekej noijki ijkon nomachilia. Kanaj tiknemilia ika Biblia san se libro tlen kipiya miyek páginas niman xkinpiya dibujos. ¡Xijkon ken televisión niman videos!
Xnemili yejuin: tla tiknextiskia se caja tlen melak youejkauj, san ika, kipiyaskia itlaj tlen melak patioj, ¿xmelauak ika nimantsin tiknekiskia tiktlapos?
Uelis tikijtoskej ika Biblia yeskia ken yejon caja tlen kipiya tlen patioj. Ompa uelis tiknextis miyek tlen uelis mitspaleuis.
Kuajli xtlapejpeni tlen tikchiuas.
Kuajli xmouika imiuan motajuan.
Xkinnexti akin kuajli imiuan timouikas.
Kenijki xsajnoye tiajmankamikis.
¿Tleka se libro tlen melak yeuejkaui onoijkuilo uelis techpaleuis? Pampa “nochi Yektlajkuilojli itech Dios ualejtikaj” (2 Timoteo 3:16). Yejuin kijtosneki ika nochi tlen onka ipan Biblia ualeujtika itech yakaj akin melak ueyixtika.
Biblia yeskia ken se caja tlen kipiya tlen melak patioj
Ken uelis tikamapouas Biblia
Uelis tikpouas Biblia kampa onpeua niman hasta kampa ontlami. Tla ijkon tikchiua, mitspaleuis xmati itech tlen tlajtoua Biblia. Matikitakan seki tlen uelis mitspaleuis xkamapoua nochi moBiblia.
Uelis tipeuas tikamapouas ipan Génesis hasta Apocalipsis niman ijkon titlamis on 66 libros tlen kuajkui Biblia.
Uelis tikamapouas Biblia ijkon ken onochiujtia tlen ompa noijtoua.
Xchiua yejuin: Ipan sección 4-A itech amatlajkuilojli Tlen tepaleuiya timomachtis iTlajtol toTajtsin, tikitas se lista itech inemilis Jesús ipan tlaltikpaktli ijkon ken opanotiajkej tonaltin.
Noijki uelis tikamapouas ipan Biblia itech itlaj tlen tikuelitaskia tikmatis. San xkonnemili yejuin:
¿Tikuelitaskia tikinpiyas amigos akin uelis intech titlaneltokas? Kuakon, xkamapoua itech David niman Jonatán (1 Samuel, capítulos 18 al 20). Satepan, xchiua tlen noijtoua ipan tlamachtijli “Cómo encontrar amigos de verdad”, niman ijkon tikitas tlen uelis mitspaleuis.
¿Tikuelitaskia tikmatis kenijki uelis tikxikos tlen tikixnamiki? Xkamapoua itech José niman xkita kenijki yejua xokichiuj tlen xkuajli (Génesis, capítulo 39). Satepan, xchiua tlen noijtoua ipan tlamachtijli “Cómo resistir las tentaciones” niman “Acusado falsamente”, yejuin melak mitspaleuis.
¿Tikuelitaskia tikmatis kenijki mitspaleuiya tla tikchiua oración? Xkamapoua itech Nehemías (Nehemías, capítulo 2). Satepan, xchiua tlen noijtoua ipan tlamachtijli “Jehová contestó su oración”, yejuin melak mitspaleuis.
Xchiua yejuin: Ijkuak tikamapouas moBiblia, xtejtemo kampa xakaj mitspajsolos.
Noijki uelis tikamapouas itlaj ipan Biblia noso se salmo niman sakin, xnemili kenijki uelis mitspaleuis. Ijkuak yotikpouj xmotlajtolti yejuin:
¿Tleka okinek Jehová manoijkuilo yejuin ipan Biblia?
¿Tlenon nechmachtia yejuin itech Jehová niman itech ken kichiua tlen yejua kineki?
¿Kenijki uelis nechpaleuis ipan nonemilis tlen yonikpouj?
Xchiua yejuin: Xkijkuilo kemanon peuas tikamapouas moBiblia ika programa tlen itoka “Kenon tikamapouas Biblia” tlen onka ipan topágina de Internet.