Tlamachtiltin itech Biblia tlen tikuelitaj titemachtiskej

Jesús okijto ika akin kipiyaskiaj kuajli inyojlo kinektoskiaj kikakiskej tlen melauak (Juan 10:​4, 27). Ika yejon, tiknekij tikimititiskej tlaltikpakchanejkej tlen melauak kijtoua Biblia tlen xouijtika nasikamati. Uelis ijkin tipeuaskej: “¿Tikmatiya ika…?” noso “¿Yotikakka ika. . . ?” niman satepan uelis tijkalaktiskej itlaj tlen uajlauj ipan Biblia tlen xouijtika nasikamati. Niman uelis tikititiskej se texto itech Biblia tlen makinamiki itech tlen titlajtotokej. Tla tiknojnotsaj yakaj itech tlen melauak temachtia Biblia, yeskia kentla tla tiktokatoskiaj se xinachtli ipan iyojlo. ¡Niman toTajtsin uelis kichiuas ika yejon xinachtli manoskalti! (1 Cor. 3:​6, 7).

• Tlen panos ika tlayekapan

• Tochanejkauan

• ToTajtsin

• Teoyotl

• Jesús

• ITekiuajyo toTajtsin

• Tlajyouilistli

• Mikilistli

• Religión

TLEN PANOS IKA TLAYEKAPAN

1. 1. Tlen aman nochiujtika niman tlen miyekej kichiuaj kiteititia ika sa achijtsin poliui ijkuak nochi nopatlas (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Tlaltikpaktli xkeman popoliuis (Sal. 104:5; Ecl. 1:4).

3. 3. Noyektlalis tlen yoijtlakauj ipan tlaltikpaktli (Is. 35:​1, 2; Apoc. 11:18).

4. 4. Ajsis tonajli ijkuak xok yakaj kualos (Is. 33:24; 35:​5, 6).

5. 5. Tejua uelis nochipa tinemis ipan tlaltikpaktli (Sal. 37:29; Mat. 5:5).

TOCHANEJKAUAN

1. 6. Teueuentsin noneki kitlasojtlas isiuatsin “sano ijki ken yejua notlajsojtla” (Efes. 5:33; Col. 3:19).

2. 7. Tesiuatsin noneki kitlakaitas iueuentsin (Efes. 5:33; Col. 3:18).

3. 8. Akin yononamiktijkej xnoneki nokajkayauaskej (Mal. 2:16; Mat. 19:​4-6, 9; Heb. 13:4).

4. 9. Kokonej akin kintlakaitaj niman kintlakamatij intajuan kuajli onkisaskej (Prov. 1:​8, 9; Efes. 6:​1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

TOTAJTSIN

1. 10. ToTajtsin kipiya itoka (Éx. 6:3; Is. 42:8).

2. 11. ToTajtsin kineki techijlis itlaj tlen melak noneki matikmatikan (2 Tim. 3:​16, 17; 2 Ped. 1:​20, 21).

3. 12. ToTajtsin yolmelauak niman xtechikoita (Deut. 10:17; Hech. 10:​34, 35).

4. 13. ToTajtsin kineki techpaleuis (Sal. 46:1; 145:​18, 19).

TEOYOTL

1. 14. ToTajtsin kineki matiknotsakan (Sal. 62:8; 65:2; 1 Ped. 5:7).

2. 15. Biblia techmachtia kenijki tiknotsaskej toTajtsin (Mat. 6:​7-13; Luc. 11:​1-4).

3. 16. Noneki nochipa tiknotsaskej toTajtsin (Mat. 7:​7, 8; 1 Tes. 5:17).

JESÚS

1. 17. Jesús melak kuajli otemachti niman nochi tlen yejua okijto nochipa tepaleuiya (Mat. 6:​14, 15, 34; 7:12).

2. 18. Jesús yokijtojka ika panoskia tlen aman panotika (Mat. 24:​3, 7, 8, 14; Luc. 21:​10, 11).

3. 19. Jesús yejua iKoneuj toTajtsin (Mat. 16:16; Juan 3:16; 1 Juan 4:15).

4. 20. Jesús xyejua toTajtsin (Juan 14:28; 1 Cor. 11:3).

Based on NASA/Visible Earth imagery

ITEKIUAJYO TOTAJTSIN

1. 21. ITekiuajyo toTajtsin se gobierno tlen onka ne iluikak (Dan. 2:44; 7:​13, 14; Mat. 6:​9, 10; Apoc. 11:15).

2. 22. ITekiuajyo toTajtsin kintekipatlas nochimej tekiuajkej akin nemij ipan yejuin tlaltikpaktli (Sal. 2:​7-9; Dan. 2:44).

3. 23. San iTekiuajyo toTajtsin uelis kiyektlalis nochi tlen xkuajli topan nochiujtika (Sal. 37:​10, 11; 46:9; Is. 65:​21-23).

TLAJYOUILISTLI

1. 24. ToTajtsin xyejua akin techtlajyouiltia (Deut. 32:4; Sant. 1:13).

2. 25. Satanás yejua akin tlayekana ipan yejuin tlaltikpaktli (Luc. 4:​5, 6; 1 Juan 5:19).

3. 26. ToTajtsin kita tlen mitstlajyouiltia niman kineki mitspaleuis (Sal. 34:​17-19; Is. 41:​10, 13).

4. 27. Sa achijtsin poliui ijkuak toTajtsin kipopolos nochi tlen techtlajyouiltia (Is. 65:17; Apoc. 21:​3, 4).

MIKILISTLI

1. 28. Akin yomijkej xok itlaj kimatij nion xtlajyouiyaj (Ecl. 9:5; Juan 11:​11-14).

2. 29. Akin yomijkej xuelis techpaleuiskej nion xtlaj uelis texchiuiliskej (Sal. 146:4; Ecl. 9:​6, 10).

3. 30. Nochimej tomijkatsitsinuan akin tikintlasojtlayaj yoliuiskej (Job 14:​13-15; Juan 5:​28, 29; Hech. 24:15).

4. 31. “Xok onias mikilistli” (Apoc. 21:​3, 4; Is. 25:8).

RELIGIÓN

1. 32. ToTajtsin xnochi religiones kinselia (Jer. 7:11; Mat. 7:​13, 14, 21-23).

2. 33. ToTajtsin kintlauelita akin omexayakyejke (Is. 29:13; Miq. 3:11; Mar. 7:​6-8).

3. 34. Ipan religión tlen melauak noititiaj ika notlasojtlaj (Miq. 4:3; Juan 13:​34, 35).