“¿Yotikitak se tlakatl akin melak kuajli kichiua itekiyo? Nemis ixpan tekiuajkej; xnemis ixpan san akinon.”

(Proverbios 22:29)

“Yejuan tlachteki, makajkaua ika tlachteki, niman mapeua tekiti. Niman makichiua on tekitl yejuan ika kuajli kitlakaitaskej. Matekiti para makipia tlinon kinmakas on yejuan mayankej.”

(Efesios 4:28)

“Nochi tlakatl matlakua niman melauak makoni niman mayolpaki ipampa nochi itekiyo. Yejuin se tetlayokolijli itech toTajtsin.”

(Eclesiastés 3:13)

“Akin kitlasojtla noyolpaktijtinemis xtlaj kipiyas; akin kitlasojtla vino niman tlen chiauak xtlaj kipiyas tomin.”

(Proverbios 21:17)

“Akin notlaneuiya nochiua tlakeuajli itech akin kitetlaneujtia.”

(Proverbios 22:7)

“Cada semej nemejuamej yejuan kineki kichijchiuas se torre, achtopa notlalia para kixtlaloua itomin tla kaxilis para tlamis on torre. Tla kitlalia on cimiento niman [kuakon] xok ueli tlami, tla ijkon, kitaskej oksekimej niman peuas kuejuetskiliskej. Niman kijtoskej: ‘Yejua on tlakatl okipeualtij on itekiu niman xouel otlan’.”

(Lucas 14:28-30)

“Ijkuak yoixuikej, Jesús okimijlij on inomachtijkauan: ‘Xsentlalikan nochi on tlen onokau para maka itlaj maixpoliui’.”

(Juan 6:12)

“Melak kuajli se plato ika kijli kampa onka tlasojtlalistli xken ika se uakax tomauak kampa onka tlauejli.”

(Proverbios 15:17)

“Nejua, Jehová, moTajtsin, Akin mitsmachtia kuajli xnemi, Akin mitsyekana ipan ojtli kampa noneki tinejnemis.”

(Isaías 48:17)

“Pero Jesús okijlij: ‘[Yejuin] Yektlajkuilojli kijtoua: “Xsan ikan tlaxkajli uelis nemis on tlakatl, yej no ikan nochi tlajtojli yejuan [toTajtsin] kijtoua” ’.”

(Mateo 4:4)

“Xkintlajsojtla oksekimej noijki ken tejua timotlajsojtla.”

(Mateo 22:39)

“Xkinchiuilikan oksekimej on tlen nemejuamej nenkinekiskiaj para yejuamej mamechchiuilikan.”

(Lucas 6:31)

“¡Dios más kintiochiua on yejuan [ki]kakij itlajtol niman kitlakamatij!”

(Lucas 11:28)

“Maka sanoyej xnekikan nenmoyaxkatiskej tlajtlamach pampa inemilis se tlakatl xne ualejtikaj itech on tlen miyek kipia.”

(Lucas 12:15)

“Yejua ika, tej, tla tikpiaj tlen tikuaj niman no tikpiaj totlaken, matipakikan san yejua  ika on.”

(1 Timoteo 6:8)

“Más paki on yejuan kitemaka xken on yejuan kiselia.”

(Hechos 20:35)

“Xkontlajkali motlamamal ipan Jehová, niman yejua mitspaleuis. Xkeman kikauilis mauetsi akin melajki.”

(Salmo 55:22)

“Akin kachtopa kuajli kinemilia tlen uelis kichiuas kuajli onkisas, san ika, nochimej akin san isiujkan itlaj kichiuaj xtlaj kipiyaskej.”

(Proverbios 21:5)

“Maka xmomojti, pampa mouan ninemi. Maka xmojkamiki, pampa nejua nimoTajtsin. Nejua nimitsyolchikauas, kema, nejua nimitspaleuis. Nejua yemelak kuajli nimitskitskijtos ika nomayekma tlen melajki.”

(Isaías 41:10)

“¿Niman akinon maski sa itlaj komatstias, uelis okse tlajko metro más notlakechilis [noso kitlalilis inemilis okse tlajko metro]?”

(Mateo 6:27)

“Maka xkomatstiakan on tlen mostla nochiuas, pampa cada tonajli [...] [kipiyas] tlen nenkiseliskej yejuan ika nemokauaskej. Cada tonajli, tej, nenkipiaskej [tlaueltin] san kech uelis nenkixikoskej.”

(Mateo 6:34)

“Kuajli xmotakan sa no nemejuamej ken nemouikaskej. Maka xmouikakan ken on yejuan xtlajmatkej [noso xtlamachilisejkej], yej xmouikakan ken [...] [tlamachilisejkej]. Nochi on tonaltin xtekitiltikan para on tlen kuajli.”

(Efesios 5:15, 16)

“Maka itlaj xkomatstiakan, yej nochipa xchiuakan [teoyotl], niman xtlajtlanilikan Dios ikan tlaxtlauijli nochi tlen mechpoloua. Ijkon Dios mechmakas yolseuilistli on yejuan más ueyi de nochi kech se tlakatl uelis kajsikamatis. Niman [yejuin] yolseuilistli kejeuas nemoyojlo niman nemotlamachilis pampa itechkopa Cristo Jesús nennemij san sekan iuan.”

(Filipenses 4:6, 7)

TEUEUENTSITSINUAN/TAJTIN

“Ijkon, tej, ken on tlakatl kitlajsojtla itlalnakayo, ijki noneki kitlajsojtlas isiuau. Yejuan kitlajsojtla isiuau sa no yejua notlajsojtla. Xakaj nemi yejuan xkitlajsojtla itlalnakayo, yej kitlakualtia niman [kitlajpiya].” “On tlakatl noneki kitlajsojtlas isiuau sa no ken yejua notlajsojtla.”

(Efesios 5:28, 29, 33)

“Tatajtin, nemejuamej maka xkinkuajkualanikan nemokoneuan, yej kuajli xkimiskaltikan ipan on melajkatlalilistli de innemilis niman ikan machtilistli itech  ika on toTeko [Jehová].”

(Efesios 6:4)

TESIUATSITSINUAN

“On siuatl no noneki kitlakaitas iueuentsin.”

(Efesios 5:33)

“Siuamej, cada se de nemejuamej xtlakamatikan nemoueuentsin. [Yejuin] [...] noneki nenkichiuaskej pampa nentlaneltokaj itech toTeko.”

(Colosenses 3:18)

TEKONEUAN

“Kokonej, se konetl makintlakamati itajuan ijkon ken on toTeko otechnauatij, pampa [...] [yejuin] sanoyej kuajli. On achtoj tlanauatijli yejuan kipia se promesa sa no [...] [yejuin]: ‘Xtlakaita motaj niman monan, para tikpias miyek tlatiochiualistli niman para tikpias ueyak nemilistli nikan ipan [yejuin] tlaltikpaktli’.”

(Efesios 6:1-3)

“Kokonej, nochi ika xkintlakamatikan nemotajuan, pampa [yejuin] [...] kipaktia toTeko.”

(Colosenses 3:20)