TLAJTOLTILISTLI 7
¿Tlenon kijtoua Biblia panoskia ipan yejuin tonajli?
“On tekiuajkej nouijsokiskej inuan oksekimej tekiuajkej [...]. Pero [yejuin] xsan ika nochi yes, yej más onyas tlajyouilistli.”
“Miyekej tlakajkayajkej yejuan noteneuaj tiotlajtojkej uajnesiskej, niman miyekej kinkajkayauaskej. Niman ika sanoyej miyekiyas on tlen xkuajli, miyekej xok kipiaskej tetlajsojtlalistli intech oksekimej.”
“Ijkuak nenkakiskej ika onkaj guerras nisiu niman no neka uejka, maka xmoyolpajsolokan. Tej, nochi on ika onkaj achtopa nochiuas. Pero ijkuak ijkon nochiuas, ok xejua tiempo para ipan [yejuin] tlaltikpaktli tlatlajtlamis.”
“Temojtij tlalolinis ipan miyekan, niman onyas apistli niman miyek kualolistli. Niman ne ipan [iluikak] miyek tlajtlamach temojtij nesis, niman uejueyi tlamajuisoltin.”
“Sa [itlamiyan] on tonajli sanoyej xkuajli tonaltin yes. On tlakamej tsotsokamej yeskej, sanoyej kejeleuiskej tomin, sanoyej noteneuaskej uejueyixtokej, nouejueyimatiskej, tlauijuikaltiskej, xkintlakamatiskej intajuan, xitlaj kitlajsojkamatiskej, niman xyolchipajkej yeskej. Xkintlajsojtlaskej oksekimej nion xtetlapojpoluiskej. Chauakmej [noso nexikolejkej] yeskej, xkiteltiskej ineleuilis, xteiknelianimej yeskej niman kitlauelitaskej nochi tlen kuajli. Teichtakauikej yeskej, xnixmojtiskej itlaj [...] [kichiuaskej], noueyimatiskej, sa kinejnektiaskej on impakilis ipan in tlaltikpaktli xej kitetemoskej tlinon ika kipaktiskej Dios. Nesis ken no tlaneltokaj, pero kinenekiskej on poder yejuan kipia on tlaneltoktli. Maka inuan timonelos on kenomej.”