“Tikistinemij ika tlen tikneltokaj, xika tlen tikitaj”

Ijkuak sa achijtsin poliuiya ika Jerusalén kiyeualoskiaj niman kixoxotoniskiaj, Pablo okintlajkuilouili akin kichiuayaj ken Cristo ika, ken melak kuajli isoldados Cristo, kichiaskiaj kixnamikiskej tlen xkuajli niman kikauaskiaj tlemach tlen kipiayaj niman ken kuajli nemiyaj (2 Tim. 2:3, 4). Aman ika sa achijtsin poliui ika yejkos tlen melak xkuajli ipan yejuin tlaltikpaktli tlen uejka nemi itech toTajtsin, noneki titlaneltokaskej niman ijkon tikchiuaskej tlen kuelita toTajtsin (2 Cor. 4:18; 5:7). Xkita video “Tikistinemij ika tlen tikneltokaj, xika tlen tikitaj” (uelis tiknextis ipan jw.org, kampa kijtoua AMATLAJKUILOLTIN > VIDEOS). Xkita kenon ipampa ken tlanemiliayaj Nadab niman Débora itech tlemach tlen onka ipan tlaltikpaktli, melak xkuajli tlen inpan onochiuj. Aman, xmomachti yejuin tlajtoltilistin.

1) ¿Tlenon kijtosnekiya “yejon tlen melak xkuajli [...] tlen ijkatika kampa tlachipaujkan” ipan kachtopa siglo, niman tlenon ononek kichiuaskej akin kichiuaj ken Cristo akin chantiyaj Jerusalén? (Mat. 24:15, TNM; Mat. 24:16). 2) ¿Tleka ononek tlaneltokaskej niman ijkon choloskej itech ueyikalpan? 3) ¿Tlenon ononek kikauaskej? 4) ¿Tleka xnimantsin okiskej Nadab niman Débora? (Mat. 24:17, 18). 5) ¿Tlenon okse tlatlatalistli okipix Raquel ijkuak okis itech Jerusalén? (Mat. 10:34-37; Mar. 10:29, 30). 6) ¿Tlenon kuajli neskayotl techititia Jafet ika otlaneltokak itech Jehová? 7) ¿Tlenon okixnamijkej akin kichiuayaj ken Cristo ipan ueyikalpan Pela? 8) ¿Kenon okipolojtiajkej intlaneltokil Nadab niman Débora? 9) ¿Kenon Jehová okintlajpix akin kichiuayaj ken Cristo akin chantiya Pela? (Mat. 6:33; 1 Tim. 6:6-8). 10) ¿Kenon uelis tikchiuaskej ken Abrahán niman Sara ijkon ken tonisiuijtiaskej ijkuak tlamis tlajtlamach ken nochiua ipan tlaltikpaktli? (Heb. 11:8-10, TNM). 11) ¿Tleka onokuepkej Jerusalén Nadab niman Débora, niman tleka san yejuamej nokajkayaujtoyaj? (Luc. 21:21). 12) ¿Kenon yemelak nemiyaj tlaltikpakchanejkej Jerusalén ijkuak Nadab niman Débora ompa onokuepkej? 13) ¿Tleka aman ika xiyejko tonajli ijkuak tlapopoliuis melak noneki matikchikauakan totlaneltokil? (Luc. 17:31, 32; 21:34-36).

Tikistinemis ika tlen tikneltoka kijtosneki 1) tikneltokaskej Jehová, 2) tijkauiliskej ika yejua matechyekana niman 3) nochipa tiktejtemoskej tikchiuaskej tlen yejua kuelita, niman maka tikpiyaskej miyek tlemach. ¡Tinochimej noijki matikistinemikan ika tlen tikneltokaj niman matikchiuakan tlen kineki toTajtsin! Ken kijtoua 1 Juan 2:17, “in tlaltikpaktli yetlantiu iuan nochi on tlen xkuajli ipan onkaj yejuan on tlakamej keleuiyaj. Pero on yejuan kichiuas tlen Dios kineki nemis para nochipa”.