Kuajli matikintekitiltikan amatlajkuiloltin tlen tlajtouaj itech Biblia

Jesús okijto: “Xikan tomin nenkiseliaj [...] niman ma ka xtecobrarokan” (Mt 10:8). Tejuamej tiktlakamatij yejon tlanauatijli pampa xtikintlajtlaniliaj tlaltikpakchanejkej tomin ipampa Biblia noso ika tikinmakaj toamatlajkuiloluan (2Co 2:17). San ika, yejuin amatlajkuiloltin kipiya tlen melauak itech iTlajtol toTajtsin tlen melak notlasojkaita. Noijki, kinchijchiuaskej niman kintitlaniskej ipan nochi tlanechikoltin tlen onka ipan nochi tlaltikpaktli, noneki chikaualistli niman melak miyek tomin. Yejua ika noneki tikitkiskej san tlen tiktemakaskej.

Kuajli xtlanemili ijkuak tikintemakas amatlajkuiloltin, maski tla titenojnotsas kampa tojlan nojuitilo (Mt 7:6). Maka san xkinmaka amatlajkuiloltin nochimej akin panouaj, melak kuajli tla timonojnotsa inuan niman ijkon tikitas tla kuelkakij. Xkita tla akin tikmaka amatlajkuilojli kichiua se itech tlajtoltilistin tlen nesij ipan recuadro. Tla xtikmati tla kipouas, uelis san tikmakas se amatlajkuilojli pitentsin. Niman tla yakaj techtlajtlanilia se revista noso se amatlajkuilojli ika toyojlo tikmakaskej (Pr 3:27, 28).