Naualyotl xkuajli

Satanás kineki matikchiuakan naualyotl. Miyekej tlaltikpakchanejkej kintlamaniliaj iminmijkatsitsiuan noso espíritus niman ijkon maka itlaj kinchiuiliskej. Kichiuaj pampa kinmakasij espíritus. Yejuin tlaltikpakchanejkej notlaliliaj makoskatl chichiltik pampa kinemiliaj ijkon uelis nopaleuiskej. Konij noso kinotlaliliaj “pajtli” niman oksekimej kitlaliaj xiutli inkaltenko. Oksekimej san tlemach kiyanaj, kitlaliaj noso kitlalpachouaj inchan pampa kinemiliaj uelis kimpaleuis.

Xuelis itlaj texchiuilis Satanás tla iuan touikaj Jehová. ToTajtsin Jehová iuan iiluikaktekitkauan okachi kojtikej xken Satanás iuan xkuakualtin espíritus (Santiago 2:19; Apocalipsis 12:9). Jehová melauak kinekij kikuis ikojtilis impampa akin iuan nouikaj, akin xkeman kikauaj (1 Pedro 3:12).

ToTajtsin iTlajtol kijtoa maka matikchiuakan naualyotl. Jehová kitlauelita naualyotl pampa yejuin uelis techtlalis ipan imaj Satanás (Gálatas 5:20, 21).