“Tlen Dios okinsentlalij...”

Ipan Tlanauatijli tlen okimakakej Moisés kinauatiayaj teueuentsin ika tla kinekiya kikauas isiuauj, nonekiya kichijchiuas se amatl kampa makijto ika iuan noxotonia. Yejuin kipaleuiskia kuajli makinemili tla kikauas. San ika, ipan itonaluan Jesús, tlamachtijkej ipan tlanauatijli okichiujkej ika se xouijtika makita kikauas isiuauj. Tlakamej ueliyaj kinkauayaj insiuauan maski ika itlaj tlen xueyi kijtosnekiya (nwtsty xkita notas de estudio, Mr 10:4, 11, Mr 10:4: “certificado de despedida”; Mr 10:11: “se divorcie de su esposa” niman “comete adulterio contra ella”). Jesús okiteititi ika Jehová yejua akin okitlali namiktilistli (Marcos 10:2-12). Akin nonamiktiaj nonekiya nochiuaskej kentla san se tlalnakayotl, kijtosneki san sekan nemiskej nochipa. Niman ipan Mateo kijtoua ika uelis nokauaskej akin yononamiktijkej san tla se itech yejuamej auilnemi (Mt 19:9).

Ipan yejuin tonajli, miyekej tlaltikpakchanejkej kitaj namiktilistli ijkon ken fariseos niman xijkon ken Jesús kitaya. Ijkuak peuaj kipiyaj tlaueltin, nimantsin kinekij kinkauaskej imixnamik. San ika, akin kichiuaj ken Cristo kiyejyekouaj kichiuaskej ipan innamiktilis tlen okijtokej ijkuak ononamiktijkej niman nokojtiliaj kiyektlaliskej tlaueltin ika tlajtolyekanalistin tlen uajlauej ipan Biblia. Sakin tla yonenkitakej video Tlasojtlalistli niman tlakaitalistli kinsentlalia familias, xkinnankilikan yejuin tlajtoltilistin:

• 

  ¿Kenon uelis tikchiuas ipan monamiktilis tlen kijtoua Proverbios 15:1, niman tleka melak noneki xchiua yejuin?

• ¿Kenon uelis mitspaleuis maka xpiya tlaueltin tla tikchiua tlen kijtoua Proverbios 19:11?

• Tla monamiktilis ixotonis, ¿tlenon noneki xmotlajtolti niman ijkon xtiknemilis tijkauas moixnamik?

• ¿Kenon uelis mitspaleuis tlen kijtoua Mateo 7:12 timochiuas kuajli teueuentsin noso kuajli tesiuauj?