TLEN TEPALEUI ITECH ITLAJTOL TOTAJTSIN | ÉXODO 35, 36

Tiknektokej tikchiuaskej tlen Jehová techtlajtlanilis

35:25, 26, 30-35; 36:1, 2

Bezalel niman Oholiab okiselijkej espíritu santo tlen okinpaleui makichijchiuakan tabernáculo ijkon ken Jehová otlanauatijka (xkita tlaixkopinajli tlen onka ixpan yejuin amatlajkuilojli). Aman, Jehová noijki kinpaleuiya itekipanojkauan ika iespíritu. ¿Tlenon noneki tikchiuaskej niman ijkon tikseliskej iespíritu santo Jehová?

Matiktlajtlanilikan Jehová matechmaka iespíritu santo niman matechpaleui matikchiuakan nochi tlen tiuelij niman ijkon chikauak tiktekichiuiliskej.
Noneki kuajli matomachtikan Biblia.
Tla techmakaj se tekitl, matokojtilikan kuajli matikchiuakan.

Tlaixkopinaltin itech iteixpantijkauan Jehová 1. Tokniuan siuamej tekititokej kampa kinchijchiuaj kaltin. 2. Se tokniuj nomachtijtika niman ijkon kipanoltis tlamachtijli itech Amatl Tekakistilijketl. 3. Se tokniuj tlakatl tenojnotstika chika on okse tlatlajpia niman ijkon maka makintsakuakan. 4. Se tokniuj iuan isiuauj yauej ipan Tlamachtijli tlen kiseliaj Akin Tenojnotsaj itech iTekiuajyo toTajtsin.

¿Tlen tekitl ueliskia nikchiuas ika itlapaleuilis Jehová?