Xtemachti ika neskayomej

Mateo 13:34, 35

TLEN TIUELIS: Xkualtsintili motlamachtil ika neskayomej tlen nimantsin nasikamatij, yejuin kichiuas ika mamitskakikan niman ika mauelikan tlen ueyi kijtosneki.

KENON TIKCHIUAS:

• Xkintlapejpeni neskayomej tlen nimantsin kasikamatiskej. Xchiua ijkon ken Jesús, niman xtekitilti itlaj tlen pitentsin ijkuak tiktetomilis itlaj tlen ueyi kijtosneki niman ika tlajtoltin tlen nochimej kasikamatij xtetomili tlen ouijtika. Maka xkijto tlen xok noneki itech se neskayotl pampa san kichiuas maka manasikamati. Kuajli xkita ika neskayotl makinamiki tlen tikneki titemachtis, ijkon xkinpopolos akin mitskaktokej.

• Xtlanemili itech akin mitskakiskej. Xkintlapejpeni neskayomej itech tlen kichiuaj akin mitskakiskej noso itech tlen yejuamej kinekij kimatiskej. Xkita ika neskayotl tlen tikteneuas maka yakaj kiyolkokos nion kipinaujtis.

• Xtetomili tlen tikneki titemachtis. Xkimijto neskayomej tlen ika tiktetomilis tlen ueyi kijtosneki, niman xtlen san konaxiltia motlamachtil. Kuajli xkita ika akin mitskaktokej makilnamikikan tlen tikneki tikinmachtis niman maka san neskayotl tlen tikteijlis.