MATINEMIKAN KEN CRISTO
¿Kenon uelis más titlaneltokaskej itech iTlajtol toTajtsin?
ITlajtol toTajtsin uelis techpaleuis matopatlakan (Heb 4:12). San ika, xuelis techpaleuis tlen techijlia niman tlen technauatia, tla xtikneltokaj ika yemelak “itlajtol Dios” (1Te 2:13). ¿Kenon uelis más titlaneltokaskej itech Biblia?
Mojmostla xkamapoua Biblia. Ijkuak tikamapouas, xtejtemo tlen kiteititia ika Biblia ualeua itech Jehová. Ken ijkuak tikamapouaskej Proverbios, matikitakan kenon tlen ompa noteneua hasta aman melak techpaleuiya (Pr 13:20; 14:30).
Xkita okseki tlen mitspaleuis xkasikamati Biblia. Noneki kuajli tikmatiskej tleka Biblia ualeua itech toTajtsin. Ika yejon, matikitakan amatlajkuilojli Tlen kinpaleuiya ika nomachtiaj iteixpantijkauan Jehová, kampa kijtoua “Biblia” niman sakin, “Ualeua itech toTajtsin”. Noijki, tla tiknekij más tikneltokaskej ika tlen Biblia kijtoua xnopatla, uelis tikitaskej Amatl tekakistilijketl Julio 2016.
XKITAKAN VIDEO PAMPA TITLANELTOKAJ ITECH. . . ITLAJTOL TOTAJTSIN, SAKIN XNANKILIKAN YEJUIN:
¿Tlenon okinextijkej ne Egipto tlen kiteititia ika iTlajtol toTajtsin xtekajkayaua?
¿Kenon tikmatij ika xnopatla tlen kijtoua Biblia?
¿Tlenon techmachtia pampa Biblia xopopoliuj niman hasta aman tikpiyaj? (Xpoua Isaías 40:8).