TLAJTOLTILISTLI 6
¿Tlenon okijto Biblia itechkopa Mesías?
TLEN YONOIJTOKA
“Belén Efrata [...], motech uajnemis akin tekiuaj yes ipan Israel.”
(Miqueas 5:2)
IJKUAK ONOCHIUJ
“Ijkuak Herodes [tekiuaj] katka, Jesús otlakat ne ipan on pueblo itoka Belén yejuan onkaj ne Judea. Niman más sakin, oyejkokej ne ipan on ueyikan itoka Jerusalén sekimej tlakamej yejuan intoka magos.”
TLEN YONOIJTOKA
“Noxexelouiliaj notlaken, niman kitaj akinon ika nokauas notlaken.”
(Salmo 22:18)
IJKUAK ONOCHIUJ
“On soldados okinojlijkej: ‘Maka matiktsajtsayanakan [noso matikojkotonakan]. Más kuajli matitotlatlanikan para tikitaskej akinon tetlanis yejua kikuisʼ.”
TLEN YONOIJTOKA
“[ToTajtsin] kinmejyeujtika nochi iomiuan, nion se xposteki.”
(Salmo 34:20)
IJKUAK ONOCHIUJ
“Ijkuak on soldados oyajkej itech Jesús okitakej ika yomik. Yejua ika xok okikxipostekej.”
TLEN YONOIJTOKA
“Okitsopinijkej ipampa totlajtlakoluan.”
(Isaías 53:5)
IJKUAK ONOCHIUJ
“Se soldado okitsopinij ijtinakastlan ikan ilanza. [Kuakon] nimantsin okis yestli niman atl.”
TLEN YONOIJTOKA
“Onechtlaxtlauilijkej tlen oniktlan, treinta platajtomin.”
(Zacarías 11:12, 13)
IJKUAK ONOCHIUJ
“Semej yejuamej on majtlaktli uan ome nomachtijkej, itoka Judas Iscariote, oyaj okinnotsato intlayekankauan on tiopixkej. Niman okimijlij: ‘¿Kech nennechtlaxtlauiliskej tla nemechmaktilis Jesús?’ Ijkuakon yejuamej okitlaxtlauilijkej sempoajli uan majtlaktli piezas de tomin tlachijchiutin ikan plata.”