¿Tlenon kijtoua Biblia nochiuas ika tlayekapan?

“Akin yolmelaujkej nemiskej ipan tlaltikpaktli, niman nochipa ipan chantiskej.”

(Salmo 37:29)

“Tlaltikpaktli nochipa onias.”

(Eclesiastés 1:4)

“Yejua yemelak kitolos mikilistli niman ijkon xok keman onias, niman toTeko Ueyixtika Jehová yemelak kinuachilis imixayo nochimej.”

(Isaías 25:8)

“Ipan yejon tonajli imixtololojuan akin xtlachiaj uelis tlachiaskej, niman innakasuan akin xtlakakij tlapouiskej. Ipan yejon tonajli akin xueli nejnemi notlalos ijkon kentla se masatl, niman inenepil akin xueli tlajtoua tsajtsis ika yolpakilistli. Pampa ipan tlaluaktli meyas atl, niman ueyi atl notlalos ipan tlalmantli kampa tlauajkan.”

(Isaías 35:5, 6)

“Dios [...] [kipopolos] nochi ajmantli, niman xok onyas mikilistli, nion chokistli [...], nion kokolistli, pampa nochi tlen achtoj onkatka yopanok.”

(Apocalipsis [Revelación] 21:4)

“Kinchijchiuaskej kaltin niman ompa chantiskej, niman kitokaskej uvas niman kikuaskej itlakilyo. Xsan kinchijchiuaskej niman okse ompa chantis, xsan tokaskej niman oksekimej kikuaskej. Pampa itonaluan nokalpan yes ken itonaluan se kojtli, niman tlen kichiuaskej ika imauan notlapejpenijkauan melak kinyolpaktis.”

(Isaías 65:21, 22)