TLAMACHTIJLI 03
¿Uelis tikneltokas tlen kijtoua Biblia?
Biblia techijlia tlenon uelis techpaleuis matiyolpakikan niman tlenon panos ika tlayekapan. Kanaj tejua tikuelitaskia tikmatis yejuin, san ika, kanaj timotlajtoltia: “¿Uelis nikneltokas tlen kijtoua yejon libro tlen melak youejkauj ika onoijkuilo? ¿Uelis niyolpakis aman niman ika tlayekapan ijkon ken kijtoua Biblia?”. Miyekej yokitakej ika melauak tlen kijtoua Biblia. Xkita tleka uelis tikneltokaskej tlen ijkuiliujtika ipan Biblia.
1. ¿Melauak onochiuj tlen kijtoua Biblia?
Biblia kijtoua ika kipiya “on más kuajli tlajtoltin” niman tlen melauak (Eclesiastés 12:10). Biblia tlajtoua itech tlen melauak opanok niman kinteneua akin melauak onenkej (xkita Lucas 1:3 niman 3:1, 2). Noijki kijtoua tlenon onochiuj ipan seki xiujtin niman ipan seki kalpamej. Ixtlamatkej kuajli yokitakej ika Biblia xnopopoloua ijkuak tlajtoua itech nochi yejuin.
2. ¿Tleka tikneltokaj tlen kijtoua Biblia maski yeuejkaui onoijkuilo?
Biblia tlajtoua itech seki tlemach tlen yeuejkaui miyekej xkimatiyaj. San matitlanemilikan itech yejuin, Biblia tlajtoua itech ciencia. Yeuejkaui, miyekej xkineltokayaj tlen Biblia kijtouaya itech ciencia. San ika, aman ixtlamatkej yokitakej ika Biblia xnopopoloua. Uelis tikneltokaskej tlen kijtoua Biblia pampa ompa ijkuiliujtika “tlen melauak” (Salmo 111:8).
3. ¿Tleka tikneltokaj ika yemelak nochiuas tlen kijtoua Biblia?
Biblia kinpiya teotlajtoltina tlen techijliaj “tlinon nochiuas sakin [noso ika tlayekapan]” (Isaías 46:10). Miyek tlen yeuejkaui onoijkuilo ipan Biblia yonochiuj. Biblia noijki yokijtojka ika nochiuaskia nochi tlen aman panotika. Ipan yejuin tlamachtijli, tikitaskej seki teotlajtoltin tlen uajnestiuej ipan Biblia. ¡Xkita kenijki Biblia xkeman nopopoloua!
OKSEKI XKASIKAMATI
Matikitakan tlenon techititia ika Biblia xnopopoloua ijkuak tlajtoua itech ciencia. Niman noijki matikimitakan seki teotlajtoltin.
4. Tlen kijtoua Biblia notlajtolnamiki iuan ciencia
Yeuejkaui, miyekej kinemiliayaj ika yakaj noso itlaj kajsitoya tlaltikpaktli. Xkitakan VIDEO.
Kuajli xkita tlen kijtoua libro de Job, tlen ikipiya kanaj 3,500 xiuitl ika onoijkuilo. Xkitakan Job 26:7 niman xtlajtokan itech yejuin:
¿Tlenon yokijtojka Biblia itech tlaltikpaktli? ¿Niman tleka yejuin uelis techmojkatlachialtis?
¿Tikmati tleka ueli kiyaui? Ixtlamatkej san kemach okasikamatkej yejuin, kanaj ipan xiuitl 1800. San ika, Biblia melak youejkauj ika yokijtojka tleka ueli kiyaui. Xkitakan Job 36:27, 28 niman xtlajtokan itech yejuin:
¿Tlenon melak otikuelitak itech yejuin textos?
Aman ika yotikimitakej yejuin textos, ¿tiknemilia ika uelis tikneltokaskej tlen kijtoua Biblia?
5. Yonochiuj tlen yeuejkaui okijtojka Biblia
Xkitakan Isaías 44:27-45:2 niman xtlajtokan itech yejuin:
Yejuin teotlajtojli okijtojka ika kinotlatkitiskiaj Babilonia. Niman yejuin onoijkuilo kanaj 200 xiuitl achto ika ijkon panoskia. ¿Otikitak tlenon nochiuaskia niman ijkon kinotlatkitiskiaj?
Ixtlamatkej yokitakej ika, ipan xiuitl 539 ijkuak xpeuaya xiuitl 1, tekiuaj Ciro niman isoldados akin ualeuayaj Persia okinotlatkitijkej Babilonia. Yejuamej oksekan okiojuitlalijkej atentli tlen kiyeualojtoya on ueyikalpan. Nimantsin okintlankej akin ompa chantiyaj pampa ipuertas yejon ueyikalpan tlapojtoyaj, nion xononek tlauijsokiskej. Yopanok más de 2,500 xiuitl ika onochiuj yejuin niman, hasta aman, Babilonia ok ijkon onka ken ijkuak okixoxotonijkej. ¿Tikmatstoya ika Biblia noijki yokijtojka ika panoskia yejuin?
Xkitakan Isaías 13:19, 20 niman xtlajtokan itech yejuin:
¿Tlenon yokijtojka Biblia ipan nochiuaskia Babilonia?
Ken aman nesi Babilonia, tlen nokaua Irak
6. Biblia yokijtojka ika nochiuaskia tlen aman panotika
Biblia kijtoua ika tinemij “ipan itlamiyan tonaltin” (2 Timoteo 3:1, TNM). Kuajli xkita tlenon yokijtojka Biblia panoskia ipan yejuin tonaltin.
Xkitakan Mateo 24:7 niman xtlajtokan itech yejuin:
¿Tlenon yokijtojka Biblia panoskia ipan itlamiyan tonaltin?
Xkitakan 2 Timoteo 3:2-5 niman xtlajtokan itech yejuin:
Ken kijtouaj yejuin textos, ¿tlenon kichiuaskiaj miyekej ipan itlamiyan tonaltin?
¿Tlenon tikita kichiuaj miyekej ipan yejuin tonaltin?
SEKIMEJ KIJTOUAJ: “Nochi tlen kijtoua Biblia san cuentos”.
¿Tlenon yomitspaleui xkasikamati ika kema uelis tikneltokaskej tlen kijtoua Biblia?
TLEN OTIUEL
Uelis tikneltokaskej tlen kijtoua Biblia pampa notlajtolnamiki iuan ciencia niman pampa ixtlamatkej yokitakej ika melauak onochiuj tlen ompa kijtoua.
¿Kenon titlanankiliskia?
¿Melauak onochiuj tlen kijtoua Biblia?
¿Tlenon techititia ika Biblia xnopopoloua ijkuak tlajtoua itech ciencia?
¿Tiknemilia ika Biblia uelis techijlis tlenon panos ika tlayekapan? ¿Niman tleka ijkon tiknemilia?
OKSEKI XKITA
¿Nopopoloua Biblia ijkuak tlajtoua itech ciencia?
“¿Notlajtolnamiki Biblia iuan ciencia?” (Tlamachtijli de jw.org)
¿Tleka tikijtouaj ika tinemij “ipan itlamiyan tonaltin”?
“Chikuasen teotlajtoltin tlen nochiujtokej”(Amatl Tekakistilijketl, 1 de mayo de 2011)
Xkita tlenon yokijtojka Biblia ipan nochiuaskia Grecia niman xkita kenijki onochiuj yejuin.
“Tlajtojli yejuan on tiotlajtojkej okijkuilojkej” techyolchikaua (5:22)
Xkita tleka se tlakatl opeuj kineltoka tlen kijtoua Biblia.
“Xnikneltokaya tla nemiya se toTajtsin” (Amatl Tekakistilijketl, núm. 5 2017)
a “Teotlajtoltin” noso “profecías” techijliaj tlen toTajtsin yokijto nochiuas ika tlayekapan.