Tlen notlajtoltiaj akin kitaj revistas

Tla se tlakatl niman se siuatl akin xnonamiktiaj san yejuamej nokauaj se yeuajli ipan se kajli maski nion xnonekiya, ¿kiteititia yejon ika okichiujkej se tlajtlakojli niman ika noneki makinnotsakan tlayekankej akin temelajkatlaliaj?

Kema. Ijkon yes tla xonka itlaj tlen makiteititi ika ononek san sekan manokauakan. Kuakon, tokniuan tlayekankej akin temelajkatlaliaj nonekis kinnotsaskej pampa onka tlen kiteititia ika oauilnenkej (1 Cor. 6:18).

Grupo ika tlayekankej noneki nochipa kuajli kitas tlenon onochiuj niman ijkon kijtoskej tla nonekis kitaskej tlayekankej akin temelajkatlaliaj. Uelis notlajtoltiskej, ¿yopeujkaj san sekan kisayaj pampa nouelitaj? ¿Yokiminotskaj tlayekankej pampa yokitakaj ika xkinamiki ken nouikaj? ¿Tleka san yejuamej onokaujkej se yeuajli ipan se kajli? ¿Ikuajnemilijtiayaj ijkon kichiuaskej? ¿Itlaj opanok tlen xueliskia kipatlaskej, ken itlaj tlen xkichiayaj, kanaj san totoka inpan onochiuj tlen xkuajli noso okixnamijkej itlaj melak ouijtika niman ononek nokauaskej ipan se kajli? (Ecl. 9:11). ¿Kanon okochkej? Tlen ipan nochiua sekimej tokniuan, xsan noijki tlen inpan nochiua oksekimej, kuakon, tlayekankej noneki nochipa kuajli kitaskej tlenon opanok.

Ijkuak Grupo ika tlayekankej kuajli yokitakej tlen opanok, kuakon, kijtoskej tla noneki makinnotsakan tlayekankej akin temelajkatlaliaj.