Oksejpa xkita tlen más noneki tikilnamikis

Ijkuak titlami timomachtia, ¿xok tikilnamiki tlen otimomachti? Tinochimej ijkon topan nochiuani. ¿Tlenon uelis mitspaleuis? Oksejpa xkita tlen más noneki tikilnamikis.

Ijkuak timomachtis, xmotejteltijtiuj niman xnemilijtiuj tlen tiueltika. Apóstol Pablo ijkon okimijli makichiuakan tokniuan ijkuak nomachtijtoyaj iamatlajkuilol. Yejua okimijli: “Aman nochi on tlen yotiktenejkej yejuan más ueyi kijtosneki sano yejua in” (Heb. 8:1). Ika yejuin tlajtoltin, okinpaleui makajsikamatikan niman makitakan katlejua más nonekiya kilnamikiskej.

Nochipa ijkuak timomachtis, xnemili katlejua más noneki tikilnamikis, ijkin xchiua tla yotlan timomachtia maski san 10 minutos. Tla xnochi kuajli tikilnamiki, uelis oksejpa tikinamapouas subtítulos noso kampa ika peuaj párrafos. Tla otiuel itlaj tlen yenkuik, xyejyeko xtetomili tlen otiuel. Tla ijkin tikchiua, xsan tiktsontekonsalos, noijki tikitas kenon uelis tikchiuas ipan monemilis tlen yotiuel.