¿Iteixpantijkauan Jehová kichiuaj ken Cristo?

Kema. Tikchiuaj ken Cristo ipampa yejuin:

• Tochikauaj tikchiuaskej tlen Jesús okichiuj niman tinemiskej ken yejua otemachti (1 Pedro 2:21).

• Tikneltokaj ika ipampa Jesús uelis timakisaskej “pampa Dios xokuajtitlan yakaj okse tlakatl ipan in tlaltikpaktli yejuan itechkopa uelis timakisaskej” (Hechos 4:12).

• Ijkuak tlaltikpakchanejkej nochiuaj iteixpantijkauan Jehová, noapolaktiaj ika itokayo Jesús (Mateo 28:18; Mateo 28:19, TNM).

• Ijkuak tikchiuaj teoyotl, tikchiuaj ika itokayo Jesús (Juan 15:16).

• Tikneltokaj ika Jesús yejua tlayekanketl noso akin yokitlapejpenijkej makinnauati nochimej tlaltikpakchanejkej (1 Corintios 11:3).

San ika, tejuamej xtikneltokaj tlen kineltokaj oksekimej tlaneltokiltin akin noijki kijtouaj ika kichiuaj ken Cristo. Tejuamej tikneltokaj ika Biblia temachtia ika Jesús iKoneuj toTajtsin niman xse trinidad (Marcos 12:29). Xtikneltokaj tla xmiki tonemilis noso alma, noijki xtikneltokaj tla toTajtsin kintlajyouiltijtok tlaltikpakchanejkej ika tlitl pampa xijkon kijtoua Biblia. Niman ika akin tlayekanaj ipan tlaneltokiltin xkipiya ika kintokayotiskej ken akin uejueyixtokej (Eclesiastés 9:5; Ezequiel 18:4; Mateo 23:8-10).