Nehemia

7 KUA oti e kaupa he ati, ne fakatu foki e tau gutuhala, ne kotofa foki e tau tagata leveki gutuhala, mo e tau tagata uhu lologo, mo e tau tagata Levi.

2 Ti tuku atu e au ke he haku a matakainaga ko Hanani, mo Hanania ko e iki ne pule ke he kolo, ke pule ki Ierusalema; ha ko e tagata kua fakamoli a ia, kua mua foki hana matakutaku ke he Atua ke he tau tagata tokologa.

3 Ne pehe age foki au kia laua, Aua neke hafagi e tau gutuhala a Ierusalema ato vevela e la; kia papa foki e lautolu e tau gutuhala mo e fakamau ai e lautolu ka kua tutu ai mo e leoleo ai e lautolu, kia kotofa foki e laua e tau tagata toko ia lautolu kua nonofo i Ierusalema, takitaha mo e hana leoleoaga, takitaha foki ke he hana mua fale.

4 Ne laulahi foki e maga mo e lahi; ka e tokogahoa e tagata ha ha i ai, nakai eke ai foki e tau fale.

5 Ne tuku mai he Atua haku ke he haku loto ke fakapotopoto ai e tau iki mo e tau pule, mo e motu, kia tohi ai a lautolu ke lata mo e matohiaga ha lautolu. Ne moua foki e au e tohi he matohiaga ha lautolu ne o hake fakamua, ti kitia e au kua tohi ai, kua pehe,

6 Ko lautolu hanai ko e tau tagata he fahi kautu ne o hake ai he paeaaga, ko e tau tagata haia ne fakapaea ai he patuiki a Papelonia ko Nepukanesa, ne liliu mai foki a lautolu ki Ierusalema mo Iuta, takitaha ke he hana maga;

7 Ko lautolu ne o mai mo Serupapelu; ko Iesua, ko Nehemia, ko Asaraia, ko Raamia, ko Naamani, ko Moretikai, ko Pilesana, ko Misepereta, ko Pikevai, ko Nekuma, ko Paana. Ko e katoatoa he tau tagata he motu ko Isaraela he totou;

8 Ko e fanau a Parosi, ko e ua e afe taha e teau mo e fitugofulu ma ua e tagata.

9 Ko e fanau a Sefatia, ko e tolu e teau mo e fitugofulu ma ua e tagata.

10 Ko e fanau a Araka, ko e ono e teau mo e tolugofulu ma ua e tagata.

11 Ko e fanau a Paka-moapi, ko e fanau ia a Ieusa mo Ioapo, ko e ua e afe valu e teau mo e hogofulu ma valu e tagata.

12 Ko e fanau a Elama, ne taha e afe ua e teau mo e limagofulu ma fa e tagata.

13 Ko e fanau a Satu, ko e valu e teau mo e fagofulu ma lima e tagata.

14 Ko e fanau a Sakai, ko e fitu e teau mo e onogofulu e tagata.

15 Ko e fanau a Penui, ko e ono e teau mo e fagofulu ma valu e tagata.

16 Ko e fanau a Pepai, ko e ono e teau mo e uafulu ma valu e tagata.

17 Ko e fanau a Asekata, ne ua e afe tolu e teau mo e tolugofulu ma ua e tagata.

18 Ko e fanau a Atonikama, ko e ono e teau mo e onogofulu ma fitu e tagata.

19 Ko e fanau a Pikevai, ne ua e afe ti onogofulu ma fitu e tagata.

20 Ko e fanau a Atini, ko e ono e teau mo e limagofulu ma lima e tagata.

21 Ko e fanau a Atera, ia Hesekia, ko e tokohivagofulu ma valu e tagata.

22 Ko e fanau a Hasumu, ko e tolu e teau mo e uafulu ma valu e tagata.

23 Ko e fanau a Pesai, ko e tolu e teau mo e uafulu ma fa e tagata.

24 Ko e fanau a Haripa, ko e taha e teau mo e hogofulu ma ua e tagata.

25 Ko e tau tagata Kipeona, ko e tokohivagofulu ma lima e tagata.

26 Ko e tau tagata Petelehema mo Netopa, ko e taha e teau ti valugofulu mo valu e tagata.

27 Ko e tau tagata Anatota, ko e taha e teau ti uafulu ma valu e tagata.

28 Ko e tau tagata Peteasemau, ko e toko fagofulu ma ua e tagata.

29 Ko e tau tagata Kiriata-iarima, ko Kafira, mo Perota, ko e fitu e teau mo e fagofulu ma tolu e tagata.

30 Ko e tau tagata Rama mo Kipeā, ko e ono e teau mo e uafulu ma taha e tagata.

31 Ko e tau tagata Mikemase, ko e taha e teau mo e uafulu ma ua e tagata.

32 Ko e tau tagata Peteli mo Ai, ko e taha e teau mo e uafulu ma tolu e tagata.

33 Ko e tau tagata he taha Nepo, ko e tokolimagofulu ma ua e tagata.

34 Ko e fanau he taha Elama, ne taha e afe ua e teau mo e limagofulu ma fa e tagata.

35 Ko e fanau a Harima, ko e taha teau ti uafulu e tagata.

36 Ko e tau tagata Ieriko, ko e tolu e teau ti fagofulu ma lima e tagata.

37 Ko e tau tagata Loto, ko Hatito, mo Ono, ko e fitu e teau ti uafulu ma taha e tagata.

38 Ko e tau tagata Senaa, ko e tolu e afe hiva e teau ti tolugofulu e tagata.

39 Ko e tau ekepoa; ko e fanau a Ietaia ko e magafaoa a Iesua, ko e hiva e teau mo e fitugofulu ma tolu e tagata.

40 Ko e fanau e Imere, ne taha e afe ti limagofulu ma ua e tagata.

41 Ko e fanau a Pasura, ne taha e afe ua e teau ti fagofulu ma fitu e tagata.

42 Ko e fanau a Harima, ne taha e afe ti hogofulu ma fitu e tagata.

43 Ko e tau tagata Levi; ko e fanau a Iesua, mo Katameeli, ko e fanau haia a Hatavia, ko e tokofitugofulu ma fa e tagata.

44 Ko e tau tagata uhu lologo; ko e fanau a Asafo, ko e taha e teau ti fagofulu ma valu e tagata.

45 Ko e tau tagata leveki gutuhala; ko e fanau a Saluma, ko e fanau a Atere, ko e fanau a Talemoni, ko e fanau a Akupa, ko e fanau a Hatita, ko e fanau a Sopai, ko e taha e teau ti tolugofulu ma valu e tagata.

46 Ko e tau Netini; ko e fanau a Tika, ko e fanau a Hasufi, ko e fanau a Tapaota,

47 Ko e fanau a Kerosa, ko e fanau a Sihaa, ko e fanau a Patono,

48 Ko e fanau a Lepana, ko e fanau a Hakepa, ko e fanau a Salemai,

49 Ko e fanau a Hanana, ko e fanau a Ketele, ko e fanau a Gakara,

50 Ko e fanau a Reaia, ko e fanau a Resini, ko e fanau a Nekota,

51 Ko e fanau a Gasama, ko e fanau a Usa, ko e fanau a Pasea,

52 Ko e fanau a Pesai, ko e fanau a Meunima, ko e fanau a Nefasemo,

53 Ko e fanau a Pakepuka, ko e fanau a Hakupa, ko e fanau Harekuru,

54 Ko e fanau a Paselita, ko e fanau a Mekita, ko e fanau a Haresa,

55 Ko e fanau a Parekusa, ko e fanau a Sisera, ko e fanau a Timaka,

56 Ko e fanau Netika, ko e fanau a Hatifa.

57 Ko e fanau he tau fekafekau a Solomona; ko e fanau a Sotai, ko e fanau a Sofereta, ko e fanau a Feruta,

58 Ko e fanau a Iaala, ko e fanau a Tarekono, ko e fanau a Ketele,

59 Ko e fanau a Sefatia, ko e fanau a Hatili, ko e fanau a Pokereta-hasepaima, ko e fanau a Amoni,

60 Ko e tau Netini oti, mo e fanau he tau fekafekau a Solomona, ko e tolu e teau ti hivagofulu ma ua e tagata.

61 Ko lautolu hanai ne o hake i Tele-melaka, mo Tele-haresa, mo Kerova, mo Atana, mo Imere; ka e nakai maeke kia lautolu ke fakailoa mai e magafaoa he tau matua ha lautolu, mo e ha lautolu a ohi, po ke tupu mai ia Isaraela nakai a lautolu.

62 Ko e fanau a Talaia, ko e fanau a Tovia, ko e fanau a Nekota, ko e ono e teau ti fagofulu ma ua e tagata.

63 Ko e tau ekepoa foki; ko e fanau a Hapaia, ko e fanau a Kosa, ko e fanau a Pasili, ne fai hoana a ia ke he taha tama fifine a Pasili ko e tagata Kiliata, ti ui ai a ia ke he higoa ha lautolu.

64 Ko lautolu na ne kumi e lautolu e tohi ne tohi ai a lautolu fakalata ke he tau ohi ha lautolu, ka e nakai moua ai e lautolu, ti talahaua a lautolu kua kelea, ti tiaki ai mai he gahua he tau ekepoa.

65 Ne pehe age foki e iki ne pule kia lautolu, ke aua neke kai ai e lautolu he tau mena tapu ue atu, ato tu mai ai e ekepoa mo e Urima mo e Tumima.

66 Ko e katoatoa he fakapotopotoaga oti he totou, ko e fagofulu ma ua e afe ti tolu e teau mo e onogofulu e tagata;

67 Ka e nakai totou ai ha lautolu a tau fekafekau tane, mo e ha lautolu a tau fekafekau fifine, ne fitu e afe tolu e teau mo e tolugofulu ma fitu e tagata a lautolu; ha ha ia lautolu foki e tau tane uhu lologo mo e tau fifine uhu lologo, ne ua e teau ti fagofulu ma lima e tagata.

68 Ko e tau solofanua ha lautolu, ne fitu e teau mo e tolugofulu ma ono; ko e tau falata ha lautolu, ne ua e teau mo e fagofulu ma lima;

69 Ko e tau kamela, ne fa e teau mo e tolugofulu ma lima; ko e tau asini ne ono e afe fitu e teau mo e uafulu.

70 Ko e falu foki he tau iki ne mua, ne foaki age ai e lautolu ke he gahua. Ne ta age ai he iki ne pule ke he mena ne tanaki ai e koloa taha e afe tareki auro, limagofulu e kapiniu, mo e lima e teau tolugofulu e tapulu tino he tau ekepoa.

71 Ko e falu foki he tau iki ne mua ne ta age ai e lautolu ke he mena ne tanaki ai e koloa mo e gahua, uafulu e afe tareki auro, mo e ua e afe ti ua e teau mina ario.

72 Ko e tau mena foki ne ta age ai a lautolu ne toe he motu, ne uafulu e afe tareki auro, mo e ua e afe mina ario, mo e onogofulu ma fitu e tapulu tino he tau ekepoa.

73 Ne nonofo ai foki ke he tau maga ha lautolu e tau ekepoa, mo e tau tagata Levi, mo e tau tagata leveki gutuhala, mo e tau tagata uhu lologo, ko e falu foki he motu, mo e tau Netini, mo Isaraela oti ni. Kua hoko foki ke he fitu mahina kua nonofo ai e fanau a Isaraela ke he tau maga ha lautolu.