Hosea

3 KUA pehe mai a Iehova kia au, Kia fano foki a koe, kia fakaalofa atu a koe ke he fifine kua ofania he hana kapitiga, ka ko e fifine faivao a ia, tuga he fakaalofa a Iehova ke he fanau a Isaraela ko lautolu ne hagao atu ke he tau atua kehe, mo e manako a lautolu ke he tau lafiaga fua vine.

2 Ti fakafua mai e au a ia māku, ke he hogofulu ma lima e tupe ario, mo e homera karite, mo e hafa homera karite.

3 Ne pehe age foki au kia ia, To tatali mai a koe kia au ke he tau aho loga, aua neke faivao a koe, ti aua neke faitane a koe ke he taha; to tatali atu foki au kia koe.

4 Ha ko e mena to nonofo ai e fanau a Isaraela ke he tau aho loga, kua nakai fai patuiki, to nakai fai iki, to nakai fai poa, to nakai fai tupua maka to nakai fai efota a lautolu po ke tupua.

5 Ka mole ia, to liliu mai e fanau a Isaraela, mo e kumi e lautolu a Iehova ha lautolu a Atua, mo Tavita e patuiki ha lautolu; to o mai mo e matakutaku foki a lautolu kia Iehova mo e hana mahani mitaki ke he tau aho ke fakahiku ai.