Iona

2 TI liogi ai a Iona kia Iehova hana Atua ke he manava he ika

2 Kua pehe atu, Ne ui atu au kia Iehova ha ko e haku a matematekelea, ti fanogonogo mai a ia kia au; ne kalaga atu ai au mai he mena hokulo he tukuaga, ti fanogonogo mai a koe ke he haku a leo.

3 Ne liti e koe au ke he moana, ki loto ni he tahi; kua agaagai au he tau vailele; kua tanumia au he hau a tau peau, mo e hau a tau peau fafati oti kana.

4 Ti pehe au Kua tafea tuai au mai mua he fofoga hau; ka to liu hagao atu au ke he hau a faituga tapu.

5 Kua takai mai kia au he tahi, ke mate ai au; kua agaagai au ke he moana kua vihi haku ulu ke he limu maka.

6 Ne hifo ai au ke he patu toka he tau mouga; ne fakamau ai e tau fakamau he lalolagi ki luga kia au ke tukulagi; ka kua ta hake e koe haku a moui he tukuaga, Iehova na e haku a Atua.

7 Kua lolelole haku a loto ki loto ia au ti manatu mai e Iehova kia au; ti hoko atu foki haku a liogi kia koe ke he hau a faituga tapu.

8 Ka ko lautolu kua taofi ke he tau mena fakateaga mo e pikopiko kua tiaki e lautolu e tau mena ke monuina ai a lautolu.

9 Ka ko au, to ekepoa au kia koe mo e tau kupu fakaaue; to eke e au e tau mena ne omonuo ai au. Mai ia Iehova ni e fakamouiaga.

10 Ti vagahau atu e Iehova ke he ika, ti fakalua ai e ia a Iona ke he kelekele momo.