Kenese

36 KO e matohiaga hanai a Esau, ko Etoma foki haia.

2 Ne faihoana a Esau ke he tau fifine Kanana; ko Ata e tama fifine a Aluna ko e tagata Heti, mo Alipama e tama fifine a Ena, ko e tama fifine a Sipeono ko e tagata Hivi;

3 Mo Pasemeta e tama fifine a Isamaeli, ko e mahakitaga a Nepaiota.

4 Kua fanau mai e Ata kia Esau a Elifasa; kua fanau mai foki e Pasemeta a Reuelu.

5 Kua fanau e Alipama a Iuso, mo Ialama, mo Karaha; ko e tau tama tane haia a Esau, ne fanau kia ia ke he motu ko Kanana.

6 Kua uta e Esau hana tau hoana mo e hana tau tama tane, mo e hana tau tama fifine, mo e tau tagata oti he hana kaina, mo e hana tau fuifui, mo e hana tau manu oti, katoa mo e hana tau mena oti ne moua e ia ke he motu ko Kanana, ti fano ai a ia ia Iakopo hana matakainaga ke he taha motu;

7 Ha kua loga ha laua a tau mena, nakai maeke ke nonofo fakalataha a laua; kua nakai maeke ke nonofo fakalataha ai ke he motu ne nofo api ai a laua he loga ha laua a tau manu.

8 Kua nofo a Esau ke he mouga ko Seira; ko Esau ko Etoma foki haia.

9 Ko e matohiaga hanai a Esau ko e tupuna he tau tagata Etoma, ke he mouga ko Seira.

10 Ko e tau higoa hanai he tau tama tane a Esau; ko Elifasa e tama a Ata e hoana a Esau; ko Reuelu e tama a Pasemeta e hoana a Esau.

11 Ko e tau tama tane hanai a Elifasa; ko Timanu ko Omara, ko Sifo mo Katamo, mo Kinasa.

12 Ko Timena foki kua eke mo hoana fakahoa kia Elifasa ko e tama a Esau; ne fanau e ia kia Elifasa, ko Amaleka, ko e tau tama tane haia a Ata ko e hoana a Esau.

13 Ko e tau tama tane hanai a Reuelu; ko Nahata mo Seraha, ko Sama mo Misa; ko e tau tama tane haia a Pasemeta e hoana a Esau.

14 Ko e tau tama tane a Alipama ko e tama fifine a Ena, ko e tama fifine a Sipeono, e hoana a Esau; ne fanau e ia kia Esau ko Iuso, mo Ialama, mo Karaha.

15 Ko e tau patu hanai he tau tama tane a Esau; ko e tau tama tane a Elifasa ko e tama uluaki a Esau, ko e patu ko Timanu, ko e pa tu ko Omara, ko e patu ko Sifo, ko e patu ko Kinasa;

16 Ko e patu ko Karaha, ko e patu ko Katamo, ko e patu ko Amaleka; ko lautolu ia ko a tau patu haia he magafaoa a Elifasa ke he motu ko Etoma ko lautolu haia ko e tau tama a Ata.

17 Ko e tau tama tane hanai a Reuelu ko e tama a Esau; ko e patu ko Nahata, ko e patu ko Siraha, ko e patu ko Sama, ko e patu ko Misa; ko lautolu ia ko e tau patu haia he magafaoa a Reuelu ke he motu ko Etoma, ko lautolu haia ko e tau tama a Pasemeta e hoana a Esau.

18 Ko e tau tama tane hanai a Alipama e hoana a Esau; ko e patu ko Iuso, ko e patu ko Ialama, ko e patu ko Karaha; ko lautolu ia ko e tau patu haia, ko e fanau a Alipama ko e tama fifine a Ena, ko e hoana a Esau.

19 Ko lautolu na ko e tau tama tane a Esau, (ko Etoma foki haia,) mo e ha lautolu a tau patu.

20 Ko e tau tama tane hanai a Seira, ko e tagata Horu, ko e faoa haia ne nonofo ke he motu; ko Lotana mo Sovala, mo Sipeono, mo Ena,

21 Mo Tisono, mo Eseri, mo Tisano; ko lautolu haia ko e tau patu he tau tagata Horu, ko e tau tama tane a Seira ke he motu ko Etoma.

22 Ko e tau tama tane hanai a Lotana; ko Horu mo Hemamu; ko e mahakitaga a Lotana, ko Timena haia.

23 Ko e tau tama tane hanai a Sovala; ko Aluano mo Manaha, mo Epalu, ko Sifo mo Onama.

24 Ko e tau tama tane hanai a Sipeono; ko Aia katoa mo Ena; ko Ena haia ne moua e tau vai puna vevela ke he vao he fagai e ia e tau asini a Sipeona hana matua tane.

25 Ko e fanau hanai a Ena; ko Tisona mo Alipama e tama fifine a Ena.

26 Ko e tau tama tane hanai a Tisona; ko Hamatana mo Esepana, mo Itirana, mo Karana.

27 Ko e tau tama tane hanai a Eseri; ko Pileana, mo Savana, mo Akana.

28 Ko e tau tama tane hanai a Tisano; ko Usi mo Arana.

29 Ko e tau patu hanai he tau tagata Horu; ko e patu ko Lotana, ko e patu ko Sovala, ko e patu ko Sipeono, ko e patu ko Ena.

30 Ko e patu ko Tisona, ko e patu ko Eseri, ko e patu ko Tisano; ko lautolu haia ko e tau patu he tau tagata Horu, takitaha mo e hana patu ke he motu ko Seira.

31 Ko e tau patuiki hanai ne pule ke he motu ko Etoma, ka e nakaila fai patuiki e fanau a Isaraela.

32 Ne patuiki i Etoma a Pala ko e tama a Peora; ko e higoa he hana maga ko Tineava.

33 Kua mate a Pala, ti patuiki a Iopapa e tama a Siraha i Posara, ke hukui aki a ia.

34 Kua mate a Iopapa, ti patuiki a Husamo mai he motu he tau tagata Timanu, ke hukui aki a ia.

35 Kua mate a Husamo, ti patuiki a Hatata ko e tama a Petata ke hukui aki a ia; ko ia haia ne keli a Mitiana ke he motu a Moapi, ko e higoa he hana maga ko Avita ia.

36 Kua mate a Hatata, ti patuiki a Samelu mai Maseraku ke hukui aki a ia.

37 Kua mate a Samelu, ti patuiki a Saulo mai Rehopo kua tata age ke he vai lele, ke hukui aki a ia.

38 Kua mate a Saulo, ti patuiki a Paala-hanana ko e tama a Akepora, ke hukui aki a ia.

39 Kua mate a Paalahanana ko e tama a Akepora, ti patuiki a Hatara ke hukui aki a ia; ko e higoa he hana maga ko Pahu ia, ko e higoa he hana hoana ko Meatapala ia ko e tama fifine a Matarata, ko e tama fifine haia a Maiasahava.

40 Ko e tau higoa hanai he tau patu he faoa a Esau, takitokotaha a lautolu mo e hana magafaoa, takitaha foki mo e hana motu ke he tau higoa ni ha lautolu; ko e patu ko Timena, ko e patu ko Aleva, ko e patu ko Ieteta,

41 Ko e patu ko Alipama ko e patu ko Aila, ko e patu ko Pinona,

42 Ko e patu ko Kinasa, ko e patu ko Timanu, ko e patu ko Mepesara,

43 Ko e patu ko Maketialu, ko e patu ko Irama; ko e tau patu haia a Etoma, takitaha mo e hana kaina kua nofo ai ke he motu ne moua ma lautolu; ko Esau haia ko e tupuna a Etoma.