Tau Salamo

126 KO e vaha ne liuaki mai ai e Iehova a Siona mai he fakapaeaaga, ti tuga ne tau tagata miti a tautolu.

2 Ti puke ai ha tautolu a tau gutu ke he kata, mo e ha tautolu a tau alelo ke he leo fiafia; ti pehe age a lautolu ha ha he tau motu kehe, Kua eke e Iehova e tau mena lalahi ma lautolu.

3 Kua eke e Iehova e tau mena lalahi ma tautolu; kua fiafia ai a tautolu.

4 Iehova na e, kia liuaki mai e koe ha mautolu a fakapaeaaga, tuga ne tau vailele ke he fahi toga.

5 Ko lautolu kua gana saito mo e tau hihina mata, to helehele e lautolu mo e kalaga fiafia.

6 Ko ia ke fina atu mo e tagi, kua uta e saito ke gana, to liu mai ni a ia mo e kalaga fiafia, kua fua mai hana tau pega saito.