Tau Salamo

121 KUA haga hake haku tau mata ke he tau mouga, ke hoko mai ai haku a lagomatai.

2 Ko e haku a lagomatai, mai ia Iehova ia, ko ia ne eke e lagi katoa mo e lalolagi.

3 Nakai tuku e ia hāu a hui ke heke, ko e hāu a leoleo nakai matamohe a ia.

4 Kitiala, ko e leoleo a Isaraela nakai matamohe a ia, nakai tugolo a ia.

5 Ko Iehova, ko e hāu a leoleo ia; ko Iehova ko e hāu a malu ia ke he tapa he hau a lima matau.

6 Nakai kai he la a koe ke he aho, po ke mahina ke he po.

7 To leoleo e Iehova a koe ke he tau mena kelea oti kana; to leoleo e ia hāu a agaga.

8 To leoleo e Iehova a koe ke he hāu a hu ki fafo mo e hāu a hufale, ke kamata ainei, to hoko ke he tukulagi.