1 Nofoaga he Tau Patuiki
2 KO e tau tama tane a Isaraela hanai; ko Reupena, ko Simeona, ko Levi, mo Iuta, ko Isakara, mo Sepulona,
2 Ko Tano, ko Iosefa, mo Peniamina, ko Nafatali, ko Kato mo Asera.
3 Ko e tau tama tane a Iuta; ko Eru, mo Onani, mo Sila, ne tokotolu a lautolu ne fanau kia ia he tama fifine a Sua ko e tagata Kanana. Ka ko Eru ko e tama uluaki a Iuta kua mahani kelea a ia ki mua a Iehova, ti keli e ia a ia.
4 Ko Tamara foki ko e figona fifine hana ne fanau e ia kia ia a Faresa mo Siraha. Ko e katoatoa he tau tama tane a Iuta ko e tokolima haia.
5 Ko e tau tama tane a Faresa, ko Hesarona, mo Hamulu.
6 Ko e tau tama tane foki a Siraha; ko Simeri, mo Etano, mo Hemana, mo Kalakolu, mo Tarata, ko lautolu oti na ko e tokolima.
7 Ko e tama tane foki a Karame; ko Akana, ko ia ne fakalavelave kia Isaraela, he hala a ia ke he mena ne fakatoka atu kia Iehova.
8 Ko e tau tama tane foki a Etano; ko Asaria.
9 Ko e tau tama tane a Hesarona, ne fanau ai e ia; ko Ierameeli, mo Rama, mo Kalepa.
10 Ne fanau e Rama a Aminatapu; ne fanau e Aminatapu a Naasona, ko e tui a ia he fanau a Iuta;
11 Ne fanau e Naasona a Salemona; ne fanau e Salemona a Poasa;
12 Ne fanau e Poasa a Opeta; ne fanau e Opeta a Iese;
13 Ne fanau e Iese hana tama uluaki ko Eliapo, ko e tama ne ua aki ko Apinatapu, ko e tama ne tolu aki ko Sama,
14 Ko e tama ne fa aki ko Natanielu, ko e tama ne lima aki ko Ratai,
15 Ko e tama ne ono aki ko Otema, ko e tama ne fitu aki ko Tavita haia;
16 Ko e tau mahakitaga foki ha lautolu ko Seruia mo Apikaila. Ko e tau tama tane a Seruia; ko Apisai, mo Ioapo, mo Asaelu, ko e tokotolu a lautolu.
17 Ne fanau foki e Apikaila a Amasa, ko e matua tane a Amasa ko Ieteru ko e tagata Isamaeli a ia.
18 Ko Kalepa foki ko e tama a Hesarona ne fanau ai e ia e tau tama tane ia Asupa hana hoana, mo Ieriota; ko e hana tau tama tane hanai; ko Ieseru, mo Sopapa, mo Aretonu.
19 Kua mate a Asupa, ti faihoana ai a Kalepa kia Efarata, ne fanau foki e ia kia ia a Huro.
20 Ne fanau foki e Huro a Auri, ne fanau foki e Auri a Pesaleli.
21 Kua mole atu foki ia ti fina atu ai a Hesarona ke he tama fifine a Makiro ko e matua tane a Kiliata a ia, ne faihoana a ia kia ia ka kua onogofulu e tau tau hana; ne fanau foki e ia kia ia a Sikupu.
22 Ne fanau foki e Sikupu a Iairo; ha ha ia ia e tau maga uafulu ma tolu ke he motu ko Kiliata.
23 Ne fofo mai foki e Kesuri mo Arama a Havota-iairo ia lautolu, mo Kinata katoa foki mo e tau maga ha ha i ai, ko e tau maga ia, ko e onogofulu. Ko e tau tama tane oti hanā a Makiro ko e matua tane a Kiliata.
24 Kua mate a Hesarona i Kalepa-efarata, ti fanau ai e Avia ko e hoana a Hesarona kia ia a Asura ko e matua tane a Tikoa.
25 Ko e tau tama tane foki hanai a Ierameeli ko e tama uluaki a Hesarona, ko Rama ko e tama uluaki, mo Puna, mo Orene, mo Osema, mo Akia.
26 Ha ha ia Ierameeli taha hoana foki, ko e higoa hana ko Atara, ko ia ko e matua fifine a Onama.
27 Ko e tau tama tane foki hanai a Rama ko e tama uluaki a Ierameeli; ko Maasa, mo Iaminu, mo Ekeru.
28 Ko e tau tama tane foki a Onama hanai; ko Samai, mo Iata. Ko e tau tama tane a Samai; ko Natapu, mo Apisuro.
29 Ko e higoa he hoana a Apisuro, ko Aviaila, ne fanau e ia kia ia a Akepana, mo Molita.
30 Ko e tau tama tane a Natapu; ko Saleta, mo Apaima; ka kua mate a Saleta nakai fai tama a ia.
31 Ko e tama tane a Apaima; ko Isai. Ko e tama tane a Isai; ko Sesani. Ko e tama tane foki a Sesani; ko Akalai.
32 Ko e tau tama tane foki a Iata ko e matakainaga a Samai; ko Ieteru, mo Ionatana; ka e mate a Ieteru nakai fai tama a ia.
33 Ko e tau tama tane foki a Ionatana; ko Peleto, mo Sasa. Ko e tau tama tane a Ierameeli haia.
34 Nakai fai tama tane a Sesani, ka ko e tau tama fifine; ka e ha ha ia Sesani e fekafekau Aikupito, ko e higoa hana ko Iara.
35 Ne ta age e Sesani hana tama fifine kia Iara hana fekafekau ke eke mo hoana hana; ti fanau e ia a Atai kia ia.
36 Ne fanau e Atai a Natano, ne fanau e Natano a Sapata.
37 Ne fanau e Sapata a Efalalo, ne fanau e Efalalo a Opeta.
38 Ne fanau e Opeta a Iehu, ne fanau e Iehu a Asaria,
39 Ne fanau e Asaria a Helesa, ne fanau e Helesa a Eliasa,
40 Ne fanau e Eliasa a Sisemai, ne fanau e Sisemai a Saluma,
41 Ne fanau e Saluma a Iekamia, ne fanau e Iekamia a Elisama.
42 Ko e tau tama tane foki a Kalepa ko e matakainaga a Ierameeli; ko e tama uluaki hana ko Mesa, ko e matua tane a ia a Sifi; ko e tau tama tane foki a Maresa ko e matua tane a Heperona.
43 Ko e tau tama tane foki a Heperona; ko Koru, mo Tapua, mo Rekema, mo Sema.
44 Ne fanau foki e Sema a Raama, ko e matua tane a Iorekeama; ne fanau foki e Rekema a Samai.
45 Ko e tama tane a Samai, ko Maona; ko Maona foki ko e matua tane a Petesura a ia.
46 Ne fanau ai e Efa ko e hoana fakahoa a Kalepa a Karana, mo Mosa, mo Kasese; ne fanau foki e Karana a Kasese.
47 Ko e tau tama tane foki a Iatai; ko Rekema, mo Iotamo, mo Kesana, mo Peleta, mo Efa, mo Saapo.
48 Ne fanau e Maaka ko e hoana fakahoa a Kalepa a Severu, mo Tirekana.
49 Ne fanau foki e ia e Saapo ko e matua tane a Matamana, ko Siva ko e matua tane a Makapena, mo e matua tane a Kipea. Ko e tama fifine a Kalepa ko Akesa a ia.
50 Ko e tau tama tane foki hanai a Kalepa ko e tama a Huro, ko e tama uluaki a Efarata; ko Sovala ko e matua tane a Kiriata-iarima,
51 Ko Salema ko e matua tane a Petelehema, ko Harefa ko e matua tane a Petekateru.
52 Ko Sovala ko e matua tane a Kiriata-iarima, ne fai tama tane foki a ia; ko Haroe ko e taha veveheaga a Manaka.
53 Ko e tau magafaoa a Kiriata-iarima; ko e tau tagata Ieteru, mo e tau tagata Poti, mo e tau tagata Sumati, mo e tau tagata Miserai; ko lautolu hanā ne tutupu ai a tau tagata Soraa, mo e tau tagata Esitaola.
54 Ko e tau tama tane a Salema; ko Petelehema, mo e tau tagata Netopa, ko Atarota, ko Peteioapo, mo e taha veveheaga he tau tagata Manaka, ko e tau tagata Soraa.
55 Ko e tau magafaoa foki he tau tohikupu ne nonofo i Iapesa; ko e tau tagata Tirati, ko e tau tagata Semaia, ko e tau tagata Sukā. Ko e tau tagata Kenī hanā, ne tutupu mai ia Hamato, ko e tupuna he magafaoa a Rakapā.