Tau Salamo

6 IEHOVA na e, aua neke akonaki mai kia au ke he hāu a ita; aua foki neke fahi e koe au ke he hāu a ita lahi.

2 Iehova na e, fakaalofa mai kia au, ha kua lolelole ni au; Iehova na e, kia fakamalolo mai e koe au, ha kua vivivivi haku a tau huimotua

3 Kua fakaatukehe lahi ni hoku loto; ka ko koe Iehova na e, ato a fe kia?

4 Iehova na e, kia liu mai foki a koe, kia laveaki e koe hoku agaga; kia fakamoui mai e koe au ha ko e hāu a fakaalofa.

5 Ha ko e mena nakai fai manatu kia koe ka mate; to fakaheke e hai kia koe ke he tukuaga?

6 Kua oti e manava he tauoi au, kua fakapuke e au haku a mohega ke he tau po oti, kua puke vai e mena kua takoto ai au he haku e tau hihina mata.

7 Kua tutue haku mata he mamahi, kua mata motua au, ha ko lautolu oti kua fai fi kia au.

8 Kia o kehe ia au a mutolu oti kua mahani hepehepe; ha kua fanogonogo mai a Iehova ke he leo he haku a tagi.

9 Kua fanogonogo mai a Iehova ke he haku a ole atu; to talia e Iehova haku a liogi.

10 To ma mo e vivivivi lahi a lautolu oti kua fai fi kia au, to tolomakina a lautolu, to mā alumaki a lautolu.