Esekielu

2 KUA pehe mai a ia kia au, Ko e tama he tagata na e, kia tu a ki luga he tau hui hau, to vagahau atu ai e au kia koe.

2 Ti hu mai ai e Agaaga ki loto ia au he vagahau mai e ia kia au, mo e fakatu ai e ia au ki luga he tau hui haku, ti fanogonogo atu e au kia ia kua vagahau mai kia au.

3 Ti pehe mai a ia kia au, Ko e tama he tagata na e, to fakafano atu e au a koe ke he fanau a Isaraela, ko e motu fakafualoto, kua fakafualoto mai a lautolu kia au; ko lautolu, katoa mo e tau matua ha lautolu, kua holi e lautolu haku a tau fakatufono ke hoko mai ni ke he aho nai.

4 Ko e tau tagata mata nakai ma, mo e loto mao, to fakafano atu e au a koe kia lautolu; ti pehe atu a koe kia lautolu, Kua pehe mai e vagahau he Iki ko Iehova.

5 Ko lautolu foki po ke fanogonogo a lautolu, po ke nakai, ha ko e magafaoa fakafualoto a lautolu, to iloa ai e lautolu ha ha ia lautolu e perofeta.

6 Ko koe foki, ko e tama he tagata aua neke matakutaku a koe kia lautolu, ti ua matakutaku a koe he tau kupu ha lautolu, pete he ha i ai a koe mo e tau akau talatala mo e tau akau fotofoto, mo e nofo ai a koe mo e tau akarava, aua neke matakutaku a koe he tau kupu ha lautolu, ti ua matakutaku a koe he tau mata ha lautolu, pete ni ko e magafaoa fakafualoto a lautolu.

7 Kia vagahau atu e koe haku a tau kupu kia lautolu po ke fanogonogo a lautolu, po ke nakai, ha ko e tau tagata fakafualoto a lautolu.

8 Ka ko koe ko e tama he tagata, fanogonogo mai a ke he mena ke vagahau atu ai e au kia koe, Aua neke fakafualoto a koe tuga e magafaoa fakafualoto na; kia fakamaga a hau a gutu mo e kai e mena ke ta atu ai e au kia koe.

9 Ne kitekite au, ti kitiala, ko e lima ne fakaolo mai kia au; kitiala, ha ha i ai e tohi vakai.

10 Kua fofola ai e ia ki mua haku, ne tohi ai i loto mo tua, ne tohi ai e tagi aue, mo e tagi, mo e tagi fekapai.