Iopu

40 KUA tali mai ai a Iehova kia Iopu, kua pehe mai,

2 To taufetoko kia a ia ne akonaki mai mo Ia hana e malolo oti kana? Ko ia ne fakatonu mena ke he Atua, kia tali mai a ia ke he mena ia.

3 Ti tali atu ai a Iopu kia Iehova, kua pehe atu,

4 Kitiala, kua kelea ni au ko e heigoa kia e mena ke tali atu ai au kia koe? kua tuku e au haku lima ke he gutu haku.

5 Laga taha he vagahau atu e au, ka e nakai tali atu foki au, ko e lagaua foki ka e nakai tuai lafilafi atu e au ki ai.

6 Ti tali mai ai a Iehova kia Iopu mai he afa, kua pehe mai,

7 Kia pipi ā hau ā tokupu po ke tagata malolo; to huhu atu e au kia koe, ti talahau mai e koe kia au.

8 To ulu kia e koe haku a fakafiliaga? To fakahala kia e koe au, kia talahaua tututonu ai a koe?

9 Ha ha ia koe kia e lima tuga ne lima he Atua? po ke pakulagi kia a koe mo e leo tuga e leo hana?

10 Kia taute ā e koe a koe ke he lilifu mo e mahani fakalilifu, kia tapulu ai a koe ke he fakahekeaga mo e fulufuluola.

11 Kia liligi atu a e ita hau ne puapuā; kia kitekite atu foki kia lautolu oti ne fakatokoluga mo e fakatokolalo ai a lautolu.

12 Kia kitekite atu a koe kia lautolu oti ne fakatokoluga mo e fakatokolalo ai e koe a lautolu; kia taholi ai foki e koe a lautolu ne mahani kelea ke he mena ne tutu ai a lautolu.

13 Kia tanu e koe a lautolu ke he kelekele; kia pipi e koe e tau mata ha lautolu ke he mena galo.

14 Ti talahau atu foki e au kia koe, kua maeke ke he lima matau hau ke fakamoui aki a koe.

15 Kitiala, ko e pehemota ne eke ai e au fakalataha mo koe, kua kai motie a ia tuga ne povi.

16 Kitiala, ne toka ai hana malolo ke he hana tokupu, mo e hana malolo foki ha ha he tau hokohoko he hana manava haia.

17 Kua loloku e ia hana hiku tuga ne arasi kua fevihiaki e tau hokohoko he hana tau tega.

18 Ko e tau huimotua hana ko e tau hui apakula ia, kua tuga ne tau koho lapatoa hana tau hui motua.

19 Kua mua ue atu a ia he tau mena ne eke he Atua; ko ia ne eke a ia ne ta age kia ia hana pelu.

20 Ko e mena fua mai e tau mouga e tau mena kai māna, kua hula ai ke he mena ia foki e tau manu oti he vao.

21 Kua takoto ai a ia i lalo he tau akau malumalu ke he tau mena galo he ulu kaho mo e pelapela.

22 Kua malu a ia ke he malu he tau akau malumalu; ne agaagai a ia he tau garava he vailele.

23 Kitiala, ka lofia e tau kauvai he vailele, nakai ni hola a ia; pete he oho mai a Ioritana ke hoko ke he gutu hana nakai matakutaku a ia.

24 To tapaki kia e taha a ia ka kitekite mai a ia, po ke hoka hana ihu ke ati ka kua hele a ia he matahele?