Tau Salamo

128 UHOAKI a lautolu oti kua matakutaku kia Iehova, ko lautolu ne o ke he hana tau puhala.

2 Ha ko e mena kai ni e koe e tau mena ne gahua ai hāu a tau lima; to ha ia koe e monuina, ha ia koe foki e mitaki.

3 Ko e hāu a hoana, to tuga ne vine fua loga a ia ki loto he hāu a fale; ko e hāu a fanau tuga ne tau huli olive ia kua agaagai hāu a laulau.

4 Kitiala, to monuina pihia e tagata kua matakutaku kia Iehova.

5 To fakamonuina e Iehova a koe mai ia Siona; ti kitia ai e koe e monuina a Ierusalema ke he tau aho oti he hāu a mouiaga.

6 To kitia foki e koe e fanau he hāu a fanau; kia ha ia Isaraela e monuina.