Tau Salamo

112 HALELUIA. Uhoaki e tagata kua matakutaku kia Iehova, kua fiafia lahi ke he hana tau poaki.

2 To malolo lahi hana fanau ke he motu; to monuina e faoa he tau tagata tututonu.

3 Ha he fale hana e koloa mo e tau mena loga; to tumau tukulagi foki hana tututonu.

4 To hake ke he pouli e maama ma lautolu ne tututonu; ko lautolu ne fakaalofa noa, mo e fakaalofa hofihofi, mo e tututonu.

5 Kua monuina e tagata kua fakaalofa noa mo e tuku age hana tau mena kia lautolu kua ogo mai; to leveki e ia hana tau mena mo e mahani tonu.

6 Ko e moli, nakai fagahuatia a ia tukulagi; nakai nimo tukulagi e tagata tututonu.

7 Ka logona e ia e ogo kelea, ti nakai matakataku ai a ia, kua mau hana loto he tua kia Iehova.

8 Kua mauokafua hana loto, nakai matakutaku a ia, ato kitia e ia e taui ha lautolu kua fai fi kia ia.

9 Kua fakatafola e ia hana tau mena, kua āge e ia kia lautolu kua nonofogati; to tumau tukulagi hana tututonu; to fakatokoluga hana hoe mo e lilifu.

10 To kitia ai he tagata mahani kelea, ti ita ai a ia; to konoi hana tau nifo, ti faliu puke vai a ia; to fakaotioti e manako he tau tagata mahani kelea.