Tau Salamo

54 KO e Atua na e, kia fakamoui e koe au ha ko e hāu a higoa; kia eke e koe e fakafiliaga maku ke he hāu a malolo.

2 Ko e Atua na e, kia fanogonogo mai ke he haku a liogi; kia fakateliga mai ke he vagahau he haku a gutu.

3 Ha kua tutu mai kia au e tau tagata kehe; ko e tau tagata favale foki kua kumi ke keli au; nakai manatu a lautolu ke he Atua. Sila.

4 Kitiala, ko e Atua ko e haku a lagomatai ia; ha i ai e Iki ia lautolu kua fakamalolo mai kia au.

5 To liuaki e kelea kia lautolu kua fai fi kia au; kia fakaotioti a lautolu ke he hāu a fakamoli.

6 To ta atu e au e poa tamate kia koe mo e haku a loto; Iehova na e, to fakaheke atu au ke he hāu a higoa, ha kua mitaki ia.

7 Ha kua laveaki e ia au mai he tau mena matematekelea oti kana; kua kitia foki he haku tau mate e taui kia lautolu kua fai fi kia au.