Ieremia

45 KO e kupu ne vagahau atu ai e perofeta ko Ieremia, kia Paruka ko e tama a Neria he tohi e ia e tau kupu ia ke he tohi mai he gutu a Ieremia, ke he tau fa a Iehoakima ko e tama a Iosia ko e patuiki a Iuta kua pehe atu,

2 Paruka na e, kua pehe mai e vagahau a Iehova ko e Atua a Isaraela kia koe;

3 Kua pehe a koe, Oi te fakaalofa kia au! ha kua lafilafi e Iehova e mānu ke he haku a mamahi; kua oti haku manava he tauoi au, nakai moua e au ha okiokiaga.

4 Kia tala age a koe kia ia pehe, Kua pehe mai e vagahau a Iehova, Kitiala, ko e mena ne ati hake e au, to ulu e au ki lalo, ko e mena foki ne to e au, to taaki ai e au; ko e motu oti nai haia.

5 Ko koe foki, kua kumi kia e koe e tau mena lalahi māu? Aua neke kumi; ha ko e mena kitiala, to fakahoko e au e malaia ki luga he tau tagata oti, kua pihia mai a Iehova, ka to ta atu e au hau a moui kia koe, ke eke mo mena ne moua he tau ke he tau mena oti ke fano a koe ki ai.