Tau Salamo

13 IEHOVA na e, to nimo fakaoti kia e koe au ato a fe? To haga kehe ia au hāu a fofoga ato a fe?

2 To fifili e au mo e mānu ke he hoku loto ke he tau aho oti ato a fe? To fakatokoluga mai a ia kua fai fi kia au ato a fe?

3 Iehova na e, hoku Atua, kia kitekite mai mo e fanogonogo mai kia au; kia fakamaama haku tau mata, neke mohe au ti mate ai;

4 Neke pehe a ia kua fai fi kia au, Kua kautu tuai au kia ia; neke fiafia a ia kua favale mai kia au ka fagahuatia au.

5 Ka ko au nai, to tua au ke he hāu a fakaalofa, to fiafia hoku loto ke he hāu a fakamouiaga.

6 To lologo atu au kia Iehova, ha kua mahani mitaki mai a ia kia au.