Tau Salamo

67 KIA fakaalofa mai e Atua kia mautolu, mo e fakamonuina a mautolu; kia kikila mai kia mautolu hana fofoga. Sila.

2 Kia iloa ai ke he lalolagi hau a mahani, kia iloa foki ke he tau motu kehe oti kana e fakamouiaga mai ia koe.

3 Ko e Atua na e, kia fakaheke kia koe e tau motu; kia fakaheke ni kia ko e tau motu, ko lautolu oti kana.

4 Kia fiafia e tau motu, kia kalaga fiafia a lautolu; ha kua fakafili fakatonu e koe e tau motu, ti takitaki foki e koe e tau motu ha he lalolagi. Sila.

5 Ko e Atua na e, kia fakaheke kia koe tau motu, kia fakaheke ni kia koe e tau motu, ko lautolu oti kana.

6 Kua fua mai he kelekele hana tau fua; ko e Atua, ko e ha mautolu a Atua kua fakamonuina mai e ia a mautolu.

7 To fakamonuina mai he Atua a mautolu; ti matakutaku ai kia ia e tau kala oti he lalolagi.