Isaia

20 KO e tau ne hau ai a Taretana ki Asetota, he fakafano mai ai e Sarekona ko e patuiki i Asuria a ia, kua tau a ia mo Asetota, ti eke ai e ia e maga;

2 Ko e vaha ia kua vagahau mai ai e Iehova kia Isaia ko e tama a Amota, kua pehe mai, Fano a a koe, ti vevete e koe e ie talatala ke he hau a tokupu, mo e aki e koe e tau afialoalohui mai he tau hui hāu; ti eke ai e ia, kua fano a ia mo e nakai tapulu mo e hana tau aloalohui kua nakai afi.

3 Ti pehe mai a Iehova, Ke tuga ne fano haku a fekafekau ko Isaia kua nakai tapulu, ti nakai afi hana tau aloalohui ke he tolu e tau, ko e fakamailoga mo e fakatai ki Aikupito mo Aitiope;

4 To takitaki atu pihia he patuiki a Asuria a lautolu kua fofo he tau i Aikupito mo lautolu ke o ke he fakapaeaaga i Aitiopa, ko e tau fuata katoa mo e tau tagata motua, kua nakai tapulu a lautolu, mo e tau aloalohui ha lautolu kua nakai afi, mo e tau patu pula ha lautolu kua toka noa, ko e mena ke mā ai a Aikupito.

5 Ti matakutaku ai a lautolu, mo e mā ni a lautolu ha ko Aitiope ne amaamanaki ki ai a lautolu, ha ko Aikupito foki ne hula ai a lautolu.

6 To pehe age ke he aho ia a lautolu kua nonofo ke he motu na ne tu ke he hala kau tahi, Kitiala, kua pihia e motu ne amaamanaki ai a tautolu, ne fehola a tautolu ke he mena ia ke moua ai e lagomatai, kia laveaki mai ai a tautolu he patuiki a Asuria; to hao fefe foki a tautolu?