Tau Salamo

16 KO e Atua na e; kia leoleo mai a koe kia au, ha kua tua au kia koe.

2 Haku agaga na e, kua pehe atu a koe kia Iehova, Ko koe ni, ko e haku a Iki; nakai ha ia au ha mitaki ka noa mo koe.

3 Ko mautolu ni mo e tau tagata tapu ha he lalolagi, mo lautolu foki kua mumua, ha ha i ai haku a fiafia oti.

4 To fakaloga e tau mamahi ha lautolu kua alumaki atu ke he taha atua; ko e ha lautolu a poa inu kua eke ke he toto, nakai liligi e au, mo e ha lautolu a tau higoa nakai totoku atu e au ke he haku tau laugutu.

5 Ko Iehova, kua eke tuai a ia māku, ko e haku a kapiniu foki a ia; ko koe ni ke fakamau haku a tufaaga.

6 Kua to e fafatiaga he fonua maku ke he mena mitaki; ko e moli, ha ia au e tufaaga fulufuluola.

7 To fakamonu atu e au kia Iehova, ko ia ne fakatonu mai kia au; kua fakaako mai foki kia au haku a manamanatu ke he tau po.

8 To tuku atu e au a Iehova ki mua haku nakai noa; ha ko e mena ha he tapa matau haku a ia, nakai fagahuatia ai au.

9 Ko e mena ia kua fiafia ai haku loto, mo e olioli ai haku a lilifu; ke okioki foki haku tino mo e nakai haofia.

10 Ha ko e mena nakai toka atu e koe au ki seoli, ti nakai tuku atu e koe hau a tagata tapu ke hoko ki ai e popo.

11 To fakakite mai e koe kia au e puhala he moui: ha i mua hāu e fiafia ke makona ai; ha he lima matau hāu e olioli tukulagi.