Tau Salamo

122 NE fiafia au he pehe mai a lautolu kia au, Kia o a tautolu ke he fale a Iehova.

2 Ierusalema na e, kua tutu ha mautolu a tau hui ke he hāu a tau gutuhala.

3 Kua ati hake a Ierusalema tuga ne maga kua tutaki fakalataha.

4 Ke o hake ki ai e tau magafaoa, ko e tau magafaoa ni a Ioha, ko e fakatufono ia kia Isaraela ke fakaheke atu ai ke he higoa a Iehova.

5 Ha kua tu ai e tau nofoaiki ke fakafili ai, ko e tau nofoaiki he faoa a Tavita.

6 Ole atu ā mutolu kia monuina a Ierusalema; to monuina a lautolu kua fakaalofa kia koe.

7 Kia ha i ai e monuina ki loto hāu a tau pa, ko e monuina ki loto hāu a tau fale iki.

8 Ha ko e haku a tau matakainaga mo e haku a tau kapitiga kua pehe atu ai au, Kia ha ha ia koe e monuina.

9 Ha ko e fale a Iehova ha tautolu a Atua, to kumi ai e au ke mitaki ai a koe.