Tau Salamo

149 HALELUIA. Kia lologo atu a mutolu kia Iehova e lologo fou; kia lologo hana fakahekeaga ke he fakapotopotoaga he hana tau tagata tapu.

2 Kia fiafia a Isaraela kia ia ne eke a lautolu; kia olioli e fanau a Siona ke he Patuiki ha lautolu.

3 Kia fakaheke a lautolu ke he hana higoa mo e koli, kia uhu lologo a lautolu kia ia ke he topā mo e kitara.

4 Ha kua fiafia a Iehova ke he hana motu; to fakafulufuluola e ia e tau tagata mahani molu ke he fakamouiaga.

5 Kia kolikoli mo e lilifu e tau tagata tapu; kia kalaga fiafia a lautolu ke he ha lautolu a tau mohega;

6 Kia ha ha he tau gutu ha lautolu e tau navaaga ke he Atua; ha ha he tau lima foki ha lautolu e pelu matila fakafahiua;

7 Kia hoko ai e taui ke he tau motu kehe, ko e akonakiaga ke he tau motu;

8 Kia lili ha lautolu a tau patuiki he he tau toua lapatoa, mo e tau iki ha lautolu ke he tau pipi lapatoa;

9 Kia eke kia lautolu e fakafiliaga kua tohi. Ko e lilifu haia ha he hana tau tagata tapu oti kana. Haleluia.