Tau Fakaakoaga Aoga ma e Tau Fanau Ikiiki

KUA gahua a Gladys he aoga i Mendoza, Atenetina. Taha aho ne fano a ia i mua he taha poko aoga ti mailoga e ia e faiaoga hane totou ke he tau fanau hiva ke he hogofulu e tau tau moui mai he My Book of Bible Stories.a Ne talahau e Gladys ko ia ko e taha he Tau Fakamoli a Iehova ti ui ke fakakite age ki a ia e puhala ke aoga lahi mai he tohi. He nava ke he fakamaamaaga ha Gladys ki a ia, ne manako e faiaoga ke eke e tohi mo vala tumau he fakaholoaga he aoga. Ka e, kua lata a ia ke moua e fakaatāaga mai he pule aoga. Ne fiafia a ia ha kua foaki age e fakaatāaga.

Magaaho fakamui, he fakaholoaga Book Day he aoga, ne kotofa he faiaoga ia e tau fanau aoga haana ke totou taha e veveheaga he tohi ki mua he tau kapitiga aoga ha lautolu. Ko e fua ha kua tali mitaki e fakaholoaga nei, ne uiina e faiaoga ke eke mo tagata ahiahi he taha polokalama televisoni he matakavi ia. Magaaho ne tutala ke he mahani he tau fanau aoga, ne hūhū e takitaki he polokalama ki a ia, “Maeke fēfē ia koe ke leveki e tau fanau ke mahani mitaki he poko aoga haau?” Ne fakamaama he faiaoga kua fakaaoga e ia e tohi ne mataulu My Book of Bible Stories. Ne fakamaama e ia pete kua nakai fakaako lotu a ia he poko aoga haana, ka e puhala mai he tohi nei, kua fakaako e ia e tau mahani kua aoga tuga e fakalilifu, fakauka, kaufakalataha, taute mena auloa, omaoma, mo e fakaalofa. Ne talia oti ai ko e tau mena nei ko e tau fakaakoaga aoga ke ako e lautolu ne ikiiki.

Manako nakai a koe ke fakaako ke he tau fanau haau e tau mahani aoga pihia? Maeke ia koe ke ole ke he taha he Tau Fakamoli a Iehova ma e lagaki he tohi fulufuluola My Book of Bible Stories.

[Matahui Tala]