Tala Fakateokarasi

Penini: Ne 5,331 e tau tagata fakailoa ne hokotaki ia Novema, mo e ko e tapunu ke 59 aki a ia he tau tagata fakailoa.

Kuperu: Ne tolomaki hake ke 2 e pasene ia Novema, ko e tapunu fou a ia he 1,758 e tau tagata fakailoa. Kua haia ai foki e tapunu he tau paionia tumau, ne hokotaki ke 136.

Initia: Kitia ai e holoaga mitaki he gahua fakamatala ia Novema he 18,077 e tau tagata fakailoa ne hokotaki e tau fekafekauaga he fonua. Ko e tapunu ke 39 aki anei.

Liperia: Ko e tapunu ne mua he 2,120 e tau tagata fakailoa ne hokotaki e tau fekafekauaga he fonua ia Novema.

Niu Silani: Ne ui he takitaki he fale letio e fono pauaki he kau gahua mo e tala age: “Manako au ke totou e mutolu e tala he tau afi ke he moui fakamagafaoa . . . mo e tala mai e manatu ha mutolu ko e puhala fe ke fakagahuahua fakamitaki ai e mena nei.” “Kua mitaki ke kitia falu tagata hane taute taha mena mitaki hagaao ke he lekua ia,” he talahau he faiaoga he aoga Katolika. Taha e leoleo ne talahau, “Mitaki ke kitia a mutolu hane putoia ke he maaga.”

Fiha ni e manatu anei ne fakakite e lautolu ne lauia he matagahua pauaki fou nei mo e tohi, Ko e Mena Galo he Fiafia he Magafaoa.

Kua lagomatai he tohi uho nei e tau tagata ke mailoga lahi e tau gahua he Tau Fakamoli ke fakatolomaki e tau mena ne mua mo e fiafia he magafaoa. Kua mataala nakai a tautolu ke fakaaoga e fakaakoaga lagomatai nei ke he tau magaaho kua lata?

Tau Aelani Solomona: Kua hokotaki ke he tapunu fou e tau tagata fakailoa, he 1,393 ne hokotaki ia Novema.

Taiuana: Ko e numera avelesi he tau tagata fakailoa he tau fekafekau nei ko e 3,516, mo e fakakite he naia e tupu tolomaki ke 6 e pasene mai he tau kua mole.