Liu Fakamanatu he Aoga Fekafekau Fakateokarasi
Liu fakamanatu e tau tohi kua fita he taute he tau kotofaaga he Aoga Fekafekau Fakateokarasi he fahi tapu ha Me 4 ke he Aokuso 24, 1998. Fakaaoga e laupepa kehe ke tohi e tau tali he tau huhu loga kua maeke ia koe ke tohi hifo he magaaho kua fakaata.
[Mailoga: Ke he liu fakamanatu, ko e Tohi Tapu ni kua maeke ke fakaaoga. Ko e tau fakamoliaga talitua mai he tau huhu ko e kumikumi fakatagata hau ni a ia. Ko e tau numera he lau mo e paratafa kua nakai kitia oti ai ke he tau fakamoliaga ke he Kolo Toko.]
Tali e tau talahauaga takitaha i lalo Moli po ke Nakai Moli:
1. Hagaao ke he fakamauaga he Tohi Tapu, ne laga tolu e ahi atu ha Paulo ki Korinito. [si lau 214 par. 3]
2. Ko e tau lakaaga ke he papatisoaga kua kamata he uta ke he tau loto ha tautolu e iloilo tonu ke he Atua ko Iehova mo Iesu Keriso. [kl lau 173 para. 7]
3. Ko e kakano he Efeso 5:13 ko e tau gahua fakalalolagi kua fakatapakupaku ko e agahala mo e kitia moli ai a lautolu he magaaho ne hulu a lautolu aki e Kupu he Atua. [Totouaga he Tohi Tapu fakafahi tapu; kikite it-2 lau 254 para. 3.]
4. Kua fakatau e tautolu e moui he fekafekau atu ki a Iehova ko e Atua. [kl lau 182 para. 4]
5. Ko e tau kupu he Kalatia 5:26 kua nakai fakaata e tau sipoti fetokoaki mo e tau pele oti ma e tau Kerisiano moli. [Totouaga he Tohi Tapu fakafahi tapu; kikite g95 12/8 lau 15 para. 8.]
6. Pete ni e ole fakamalolo a ia ma e tino a Iesu ke tuku he tukuaga, ne fakamalolo a Iosefa ko e Arimataia ke nakai matakutaku he tau Iutaia nakai talitonu. [it-2 lau 112 para. 8]
7. Ko e tohi ke he tau Filipi ne tohi e Paulo ke he tau mahina gahoa he mole e fakatu e ia e fakapotopotoaga Filipi, ha ko e tau mena vihi lalahi ne kua ha ha ai he vahaloto ha lautolu. [si lau 224 para. 3]
8. Ko Iesu “kua talahaua tututonu ke he Agaga,” he talahau he 1 Timoteo 3:16, he palepale aki e moui agaga he liu tu mai hana; ne fakakatoa he mena nei ke he fakapuloaaga he Atua ne kua tututonu oti mo e latatonu he fakalaulahi e tau matagahua fakatokolugaaga a Iesu. [Totouaga he Tohi Tapu fakafahi tapu; kikite w90-E 1/15 lau 13 para. 12.]
9. Ko e “vevete” ne hagaao e Filipi 1:23 ko e fakamoliaga he amanaki a Paulo ke fakalataha mafiti mo Keriso he mole atu e mate. [Totouaga he Tohi Tapu fakafahi tapu; kikite w95-E 3/1 lau 30 para. 4.]
10. Ne tohi e Paulo e 1 Timoteo he magahala he vahaloto he hana fakatoka fakamua mai hana he fale puipui i Roma mo e fakahala fakahiku hana i ai. [si lau 234 para. 2]
Tali e tau huhu i lalo:
11. Ko e puhala fe he falu Korinito ne “nakai lata” he kai ke he tau fakamanatuaga he magaaho ne fakapotopoto a lautolu ke fakamanatu e Fakamanatuaga he mate a Keriso? (1 Kori. 11:27) [Totouaga he Tohi Tapu fakafahi tapu; kikite w90-E 2/15 lau 19 para. 17.]
12. Ko e ha ha hinei a hai ne fakahagahaga kelea e tuaga he fakapotopotoaga Korinito, ti omoi a Paulo ke tohi hana tohi ke ua aki ki Korinito? [si lau 214 para. 2]
13. To fakatatai fefe e Iehova e ha mena ne liga foaki e tautolu ke lata mo e hana a tapuakiaga? [kl lau 169 para. 20]
14. Ko e heigoa e fakakatoatoaaga he tau olelalo ke he tau hopoaga lalahi ke he tau mena ne lauia e tapuakiaga moli? [jv lau 683 para. 4]
15. He hana fakaaoga ke he Kupu he Atua, foaki fefe e Paulo e fakafifitakiaga mitaki ue atu ma e tau fekafekau Kerisiano he vaha nei? [si lau 217 para. 19]
16. Ko e heigoa e kakano he aposetolo ko Paulo he pehe a ia ko e Fakatufono “ne lafilafi a ia ha ko e tau holifono”? (Kala. 3:19) [Totouaga he Tohi Tapu fakafahi tapu; kikite uw lau 147 para. 3-4.]
17. Ia Filipi 1:3-7, ko e heigoa e tau kakano kua nava a Paulo ke he tau matakaianaga, mo e aoga fefe ki a tautolu e tau fakafifitakiaga ha lautolu? [si lau 225 para. 12]
18. Ko e ha kua lata he tau fekafekau Kerisiano oti ke muitua ke he hatakiaga kua fakatoka he Kolose 4:6? [si lau 228 para. 13]
19. Ko e heigoa e kakano he apostolo ko Paulo he pehe a ia kua manako a ia ke he tau fifine ke “taute e lautolu a lautolu . . . mo e mahani fakalatalata”? (1 Timo. 2:9) [Totouaga he Tohi Tapu fakafahi tapu; kikite g90 6/22 lau 19 para. 2.]
20. Ko e ha kua lata ke omaoma e tau Kerisiano ke he hatakiaga a Paulo he 1 Timoteo 6:4 ne hagaao ke he “taufetoko ke he tau kupu”? [si lau 236 para. 15]
Tohi e (tau) kupu po ke talahauaga ne lata ke fakaoti aki e tau talahauaga takitaha i lalo:
21. Ke he tau ․․․․․․․․, ko e taliaaga he ․․․․․․․․ mo Nasi Sihamani ne saini mo e fakatoka e Hitler e foliaga ke fakaotioti e ․․․․․․․․ i Sihamani. [jv lau 659 para. 2]
22. Ko e tohi fakamua a Paulo ke he tau Korinito kua aoga lahi he fakalaulahi e maamaaga ha tautolu ke he ․․․․․․․․, ne kua moua mai e loga he tau fatiakiaga. [si lau 213 para. 23]
23. He tohi hana ke he tau Kalatia, ne fakamoli e Paulo ko e fakatonuaga mai he ․․․․․․․․ ia Keriso Iesu, nakai he tau gahua he ․․․․․․․․, ti ko e mena ia ko e ․․․․․․․․ kua nakai lata ma e tau Kerisiano. [si lau 218 para. 6]
24. He tohi fakamua hana ke he tau Tesalonia, ne talahau laga fa e Paulo e ․․․․․․․․ ha Iesu Keriso, ha kua kitia ai e fiafia he fakapotopotoaga ke he fakaakoaga nei. [si lau 231 para. 15]
25. Ko e tohi ke ua aki ke he tau Tesalonia ne tohia e ․․․․․․․․ i ․․․․․․․․ he tau ․․․․․․․․. [si lau 232 para. 4]
Fifili e tali hako he tau talahauaga takitaha i lalo:
26. He talahau e tonu hana ke moui ha ko e fekafekauaga, kua hagaao a Paulo ke he (Talmud; Mishnah; Fakatufono a Mose), ne kua talahau ai ko e tau manu gahua kua nakai lata ke lili ti ko e mena ia he (tau Levi; Netini; magafaoa ekepoa a Arona) he gahua he faituga ne moua e vala ha lautolu mai he fatapoa. [si lau 213 para. 24]
27. Ko e tohi a Paulo ke he tau Kalatia kua foaki e fakahokohoko he Isaia 54:1-6, he fakakite e fifine a Iehova ko e (Ierusalema he lalolagi; ko e Ierusalema i luga; Ierusalema fou). (Kala. 4:21-26) [si lau 219 para. 16]
28. Ia Efoso 1:10, ko e ‘maopoopoaga’ kua hagaao ke he (Kautu faka-Mesia; Kau Fakatufono; ko e puhala he Atua kua takitaki aki e magafaoa hana). [si lau 221 para. 8]
29. Ko e (tau Iutaia; tau akoako he Kerisitenitome; Papelonia Lahi) kua maeke ke kitia fakalataha mo e “tagata he hala” ne talahau he 2 Tesalonia 2:3. [Totouaga he Tohi Tapu fakafahi tapu; kikite w90-E 1/15 lau 18 para. 11.]
30. Ka ha ha ia koe e tau fakauaua kelea lahi mahaki ke he taha he fakamahaniaga, ko e mena kua mitaki ke taute ke (fakakautu e tau logonaaga manako he tau fakauaua hau; fakamamutu e fakafetuiaga; pa e tau mata hau ke he tau fakauaua kelea lahi mahaki he amanaki to laukauka ka mole e fakamauaga). [fy lau 24 para. 19]
Tuku e tau kupu tohi i lalo ke he tau talahauaga ne tohi i kelekele:
Nume. 16:3; 1 Kori. 10:11, 12; 2 Kori. 4:7; 2 Kori. 8:14; Iuta 1
31. Ka tuku fakamua he tagata e fekafekauaga Kerisiano he moui hana, to moua e ia e malolo ne foaki he Atua. [Totouaga he Tohi Tapu fakafahi tapu; kikite w90-E 3/1 lau 29 para. 5.]
32. Kia omaoma a tautolu ke he fakafifitakiaga hataki he tau Isaraela i lalo ia Mose mo e tiaki e tua ni ki a ia. [si lau 213 para. 23]
33. Ko e tau mena fakaalofa fakamokoi he tau Kerisiano muhu koloa kua maeke ke lagomatai e tau manako ha lautolu kua ha ha ai ke he tau tutuaga nakai mautu, ka e eke e fakamakai mo e fakauka ha lautolu ne matematekelea mo punaaga he olioli mo e fakamalolo ki a lautolu ne foaki. [Totouaga he Tohi Tapu fakafahi tapu; kikite w93 12/15 lau 21 para. 20.]
34. Kua lata e tau fekafekau a Iehova ke manako ke fakatumau e aga fakaalofa, mo e kauauloa ke he taha mo e taha; fakahagahaga kelea he aga gugu e tau fakafetuiaga mitaki mo e falu. [it-2 lau 184 para. 6]
35. Kua lata ia tautolu ke fakaeneene neke kumi e tautolu e tuaga tokoluga ha ko e tau fakafetuiaga fakatino. [it-2 lau 132 para. 1]