Foaki e New World Translation
1 “Kua latatonu moli ke moua e New World [Translation]. Kua fakalagalaga mo e hakotika ai, ti omoi e tagata totou ke manamanatu mo e fakaako. Nakai ko e gahua he tau Tagata Kumikumi Tokoluga, ka ko e tau tagata fakaako kua fakalilifu e Atua mo e Hana Kupu.” Talahau pihia he tagata talahaua he fakahoko kupu Heperu mo e Heleni. Talia e mautolu. Lagomatai fefe e tautolu e falu ke moua e fakaaue pihia ke he New World Translation ka foaki e tautolu fakalataha mo e tohi Iloilo ia Tesemo?
2 To tali ai falu tagata, “Na fai Tohi Tapu au. Nakai manako au ke fai foki.” Ko e paleko ha tautolu ke lagomatai ki a lautolu ke kitia ko e New World Translation nakai ko e taha Tohi Tapu noa ni. Ko e fakaliliuaga moli he vagahau he vaha nei kua hakotika e fakatokamaiaga he puhala he tohiaga fakamua. Ko e taha kitiaaga tokoluga i ai ka fakatata he fakatatai e fakamaamaaga he tau kupu tuga e “mena fakatau ai mena kai” (King James Version) mo e “makete vala manu” (New World Translation) ia 1 Korinito 10:25.
3 Pete ia, gahoa e tau tagata kua totou e Tohi Tapu ne nakai maama ai e tau matapatu fakaakoaga ma e moui he tau aho takitaha. Kua lata ia lautolu ke iloa kua fakaohooho he Kupu he Atua e tau momoui ha lautolu ma e mitaki mo e muitua ke he hana fakatonuaga ke he mahani fakamoli, mahani mitaki, mo e moui fakamagafaoa kua lagomatai a lautolu ke fahia ke he tau mena vihi he vaha nei. Liga maeke fefe e mena nei ke fakakatoatoa?
4 Ko e Fakataitaiaga ne Fakakite: “To talia nakai e koe ko e uho he tau mahani mitaki he vaha nei kua hiki lahi mahaki fakalataha mo e nakai iloa mitaki e mena ka tupu ke he ha tautolu a vaha anoiha, kua lata ke fai takitakiaga mauokafua a tautolu he moui? [Fakaata ma e tali.] Pete ni ko e tohi tuai, kua foaki mai he Tohi Tapu e fakatonuaga kua aoga ma e moui he vaha fou nei mo e moui fiafia he magafaoa.” Ti veveu ke he veveheaga 2 he tohi Iloilo, ti totou e paratafa 10 mo e laini fakamua he paratafa 11, putoia e 2 Timoteo 3:16, 17. Ka fakakite e fiafia ti toka e tohi Iloilo, fakamaama e polokalama ha tautolu he fakaako Tohi Tapu nakai totogi he kaina, ti foaki e New World Translation. Ka manatu a koe kua mitaki ke kamata e fakaakoaga ke he porosua Manako, kia taute ai e koe. To moua e koe falu fakafeleveiaaga foki kua lata he tohi Reasoning lau 9-15.
5 Kia fakakite e tautolu e loto fakaaue ke he New World Translation mua ue atu. Maeke ia tautolu ke taute e mena nei he foaki fakamakai ai ia Tesemo.