Liu Fakamanatu he Aoga Fekafekau Fakateokarasi
Liu fakamanatu e tau tohi kua fita he taute he tau kotofaaga he Aoga Fekafekau Fakateokarasi he fahi tapu ha Sepetema 4 ke he Tesemo 18, 2000. Fakaaoga e laupepa kehe ke tohi e tau tali he tau huhu loga kua maeke ia koe ke tohi hifo he magaaho kua fakaata.
[Mailoga: Ke he liu fakamanatu, ko e Tohi Tapu ni kua maeke ke fakaaoga. Ko e tau fakamoliaga talitua mai he tau huhu ko e kumikumi fakatagata hau ni a ia. Ko e tau numera he lau mo e paratafa kua nakai kitia oti ai ke he tau fakamoliaga ke he Kolo Toko.]
Tali e tau talahauaga takitaha i lalo Moli po ke Nakai Moli:
1. Ne taofi e Tavita a Apisai he kelipopo a Semi ha kua agahala a Tavita ke he tau fakahala ne taute Semi ki a ia. (2 Samu. 16:5-13) [Totouaga he Tohi Tapu fakafahi tapu; kikite w99-E 5/1 lau 32 para. 3.]
2. Ko e manamanatuaga feaki mea mo e mitaki kua nakai ni takitaki ke he fakafetuiaga mafanatia hana ni mo e Atua ka e latatonu foki mo e fakamouiaga ha tautolu. (Hepe. 10:22; 1 Pete. 1:15, 16) [w98 9/1 lau 4 para. 4]
3. Ko e talahauaga he 1 Patuiki ko e fakamauaga tuai kua aoga ma e Kerisiano ha kua 2 ni mai he 14 e patuiki ne pule i Isaraela mo Iuta ne kautu he taute e tau mena hako ki mua ha Iehova he mole e mate ha Solomona. [si lau 64 para. 1]
4. Ne fakatatai e Pule Afetau a Iesu ke he 40 e tau tau mafola mo e mouina he pule ai a Solomona. (1 Patu. 4:24, 25, 29) [Totouaga he Tohi Tapu fakafahi tapu; kikite w90-E 6/1 lau 6 para. 5.]
5. Ko e tanuaga mitaki ha Avia ko e fakamoliaga maaliali ko ia ko e tagata tapuaki tua fakamoli ha Iehova, ko ia ni tokotaha mai he magafaoa a Ierepoamo. (1 Patu. 14:10, 13) [Totouaga he Tohi Tapu fakafahi tapu; kikite w95 4/1 lau 23 para. 11.]
6. He tauteute ma e papatisoaga Kerisiano kua fakakite kua eke tuai e taha mo fekafekau motua he Atua. [w98 10/1 lau 29 para. 2]
7. Ne foaki e Iehova ki a Elia e malolo kehe lahi mo e puipui a ia ke nakai matakutaku. (1 Patu. 18:17, 18, 21, 40, 46) [Totouaga he Tohi Tapu fakafahi tapu; kikite w98-E 1/1 lau 31 para. 2.]
8. Kua talahaua lahi e faituga ha Solomona kakano he nakai ko e lilifu mo e tau koloa fulufuluola ue atu ka ko e ata a ia he faituga fakaagaga homo ue atu ha Iehova. [si lau 69 para. 26]
9. Ko e pouligia ne hoko ke he tau kautau Suria he tau kupu a Elisaio ne fakamoli ai ko e pouli he tau loto ha kua kitia e lautolu a Elisaio ka e nakai mailoga e lautolu ko hai a ia. (2 Patu. 6:18, 19) [Totouaga he Tohi Tapu fakafahi tapu; kikite si lau 70-1 para. 10.]
10. He tuku “e fakatufono,” ne talahau he 2 Patuiki 11:12, ko e tauteaga fakatai ne fakatata ko e fakaliliuaga he patuiki he Fakatufono he Atua ko e fakahikuaga ti kua lata ke omaoma ai. [Totouaga he Tohi Tapu fakafahi tapu; kikite w91-E 2/1 lau 31 para. 6.]
Tali e tau huhu i lalo:
11. Lagotatai mo e 1 Ioane 2:15-17, ko e heigoa e fakamaloloaga he tau mamatua mahani Atua ke he tau fanau ha lautolu ke fehola kehe mai ai ka fifili a lautolu ke he gahua tupe kua lata? [w98-E 7/15 lau 5 para. 2]
12. Ko e heigoa e kakano he 2 Samuela 18:8, ne pehe: “Ti mua he tokologa he motu ne mamate ai ke he vao kia lautolu ne mamate ke he pelu”? [Totouaga he Tohi Tapu fakafahi tapu; kikite w87 3/15 lau 31 para. 2.]
13. Ko hai he vaha nei ka liga fakatatai ke he ohi tane ha Koliato, ko e tau tagata Rafa, ti ko e heigoa ha lautolu ka amanaki ke taute? (2 Samu. 21:15-22) [Totouaga he Tohi Tapu fakafahi tapu; kikite w89 1/1 lau 20 para. 8.]
14. Ko e heigoa e matapatu fakaakoaga aoga he Tohi Tapu kua ako e tautolu mai he 2 Samuela 6:6, 7? [si lau 63 para. 30]
15. Ko e heigoa e matapatu fakaakoaga aoga kua ako mai he mena tupu kua putoia e tagata ne tamate he moumou e Sapati? (Nume. 15:35) [w98-E 9/1 lau 20 para. 2]
16. He taute e heigoa kua fifitaki e tautolu e patuiki fifine ha Sihipa, ne fenoga mamao mai ke logona e “pulotu a Solomona”? (1 Patu. 10:1-9) [Totouaga he Tohi Tapu fakafahi tapu; kikite w99-E 7/1 lau 31 para. 1-2.]
17. Hagaao ke he 1 Patuiki 17:3, 4, 7-9, 17-24, ko e heigoa e tau puhala tolu ne fakatata e Elia e tua fakamoli ki a Iehova? [Totouaga he Tohi Tapu fakafahi tapu; kikite w92-E 4/1 lau 19 para. 5.]
18. Ko e ha e nakai mamahi ha Napota ke foaki hana ulu vine ki a Ahapo ne nakai ko e fakaata he ulukafilo hana ia? (1 Patu. 21:2, 3) [Totouaga he Tohi Tapu fakafahi tapu; kikite w97 8/1 lau 25 para. 18.]
19. Taute fefe e tau kupu he 2 Patuiki 6:16 ke fakamalolo aki e tau fekafekau a Iehova he vaha nei? [Totouaga he Tohi Tapu fakafahi tapu; kikite w98 7/1 lau 12 para. 5.]
20. Ko e heigoa e tau puhala kua lata e tau Kerisiano moli he vaha nei ke fakamamao mai he faka-Simona? [w98-E 11/15 lau 28 para. 5]
Tohi e (tau) kupu po ke talahauaga ne lata ke fakaoti aki e tau talahauaga takitaha i lalo:
21. Ko e Kerisiano moli kua lata ke nakai mahala ke he ․․․․․․․․ mo e fakalataha ke he tau aga kua nakai fakafiafia e ․․․․․․․․. (Fakatai 29:25; Mata. 10:28) [w98-E 7/15 lau 20 para. 5]
22. He fakamatala ki mua he patuiki ko Akeripa, ne fakaaoga e Paulo hana ․․․․․․․․, he fakakite e tau manatu kua ․․․․․․․․ ia ia mo Akeripa. (Gahua 26:2, 3, 26, 27) [w98-E 9/1 lau 31 para. 3]
23. Ha kua ․․․․․․․․ e Atua, kua logona he falu kua nakai ko e tagata a ia, ka ko e ․․․․․․․․ tumau mo e fakalahi, nukua maeke he tagata ke kitia a ‘Ia nakai kitia.’ (Hepe. 11:27) [w98-E 9/15 lau 21 para. 3-4]
24. He kitia e mena ne tupu ke he takitaki kau Suria ko ․․․․․․․․, kua moua ai falu magaaho e tau aoga lalahi mai he ․․․․․․․․ tote. [Totouaga he Tohi Tapu fakafahi tapu; kikite w99 2/1 lau 3 para. 6–lau 4 para. 1.]
25. Ha kua tati e loto a Ionatapu mo e Patuiki ko Iehu, ko e ․․․․․․․․ he vaha nei kua talahau loto katoa mo e kaufakalataha ai mo Iehu ne Mua, ko ․․․․․․․․, ne hukui ai he ․․․․․․․․ he lalolagi. (2 Patu. 10:15, 16) [Totouaga he Tohi Tapu fakafahi tapu; kikite w98 1/1 lau 27 para. 5-6.]
Fifili e tali hako he tau talahauaga takitaha i lalo:
26. Ko (Satani; Iehova; Ioapo) ne fakamafana a Tavita ke agahala he ‘totou a Isaraela.’ (2 Samu. 24:1) [Totouaga he Tohi Tapu fakafahi tapu; kikite w92-E 7/15 lau 5 para. 2.]
27. He lagotatai mo e 1 Patuiki 8:1 mo e Fakamatalaaga 1:1, ne fakapotopoto e Solomona e tau tagata ke (talaga e faituga; tutuli e tau fi ha Isaraela; tapuaki ki a Iehova). [Totouaga he Tohi Tapu fakafahi tapu; kikite si lau 112 para. 3.]
28. He 20 e tau tau he talaga e faituga a Solomona mo e hana fale i Ierusalema kua fakatatai ai ke he magahala he hikihikiaga he fakaakoaga mo e fakatokatokaaga ne kamata he (1919; 1923; 1931) mo e fakaoti he (1938; 1942; 1950). (1 Patu. 9:10) [Totouaga he Tohi Tapu fakafahi tapu; kikite w92 3/1 lau 20 he puha.]
29. Ko e kupu “lagi” ne fakaaoga he 2 Patuiki 2:11 kua hagaao ke he (matakavi nofo fakaagaga he Atua; ko e lalolagi mo e lagi katoatoa; matakavi he lalolagi, ne felele ai e tau manu mo e havili he matagi). [Totouaga he Tohi Tapu fakafahi tapu; kikite w97 10/1 lau 15 he puha.]
30. Ko (Herod the Great; Caesar Augustus; Tiberius Caesar) ne poaki e matohiaga ati fua mai kua fanau a Iesu i Petelehema ka e nakai i Nasareta. [w98-E 12/15 lau 7 he puha]
Tuku e tau kupu tohi i lalo ke he tau talahauaga ne tohi i kelekele:
Sala. 15:4; 2 Samu. 12:28; 2 Samu. 15:18-22; 2 Patu. 3:11; Kolo. 3:13
31. Kua lata ke fakalilifu e tuaga takitaki he fakatokaaga fakateokarasi ha Iehova. [si lau 63 para. 30]
32. Kua lata ke fakatumau e fakamoli ke he fakatokatokaaga ha Iehova mo e hana tau hukui. [si lau 63 para. 30]
33. Ko e fakaaue ke he fakaalofa hofihofi ha Iehova kua omoomoi e taha ke fakagahuahua e mahani fakalatalata mo e ufifufi e tau lolelole. [w98 11/1 lau 4 para. 4]
34. Ko e kotofaaga ke fakakite e foaki fakaalofa mo e ke fekafekau fakatokolalo ke he tau fekafekau tua fakamoli ha Iehova he fekafekauaga pauaki. [Totouaga he Tohi Tapu fakafahi tapu; kikite w97-E 11/1 lau 31 para. 1.]
35. Ko e tagata matakutaku Atua kua fakamakamaka ke tumau ke he kupu hana he totogi e tau kaitalofa hana, pete ni kua tutupu e tau mena fakalutukia ke fakaauatu e uka ke foaki. [w98-E 11/15 lau 27 para. 1]