Heigoa Haku ka Talahau?

He feleveia a tautolu ke he fekafekauaga mo e tau tagata ne talia fakamakai mai, ne manako lahi a tautolu ke liliu atu ki a lautolu ke matutaki. Ka e, liga fa fakauaua a tautolu ke he mena ka talahau ke kamata aki e matutakiaga. Ane ha he kamata pehe: Ati hake e huhu fakafiafia, ti veveu e tohi Reasoning ke moua mai e tali he Tohi Tapu. Ko e mena mitaki lahi ke tohi tuai e falu huhu ati maeke ia koe ke fifili e taha ne logona kua lauia mitaki mo e tagata ka liu aahi atu. Ko e tau huhu a na i lalo, ne lagaki mai he tohi Reasoning, ne fakakite e numera he lau ke moua e tau tali takitaha:

◼ Ko e ha ne fuakau fakahaga a tautolu ti mamate? (98)

◼ Fai fakamoliaga nakai ke talitonu atu ke he Atua? (145)

◼ Na fakaalofa moli nakai e Atua ke he tau mena ne tutupu kia tautolu? (147)

◼ Lata kia e tagata ke haele hake ke he lagi ke moua tonu e fiafia ia anoiha? (163)

◼ Ko e ha kua aoga ke iloa mo e fakaaoga e higoa he Atua? (196)

◼ Ko e heigoa e finagalo he Kautu he Atua? (227)

◼ Ko e heigoa e kakano he moui he tagata? (243)

◼ Ko e ha ne loga lahi e tau lotu? (322)

◼ Maeke fefe he tagata ke iloa e lotu ne tonu? (328)

◼ Lahi fefe e malolo ha Satani ke he lalolagi he vaha nei? (364)

◼ Ko e ha kua fakata he Atua e matematekelea? (393)

◼ Ko e ha ne tupu fetui e mahani kelea? (427)

Maeke ia koe ke humaki hifo he Tohi Tapu po ke tohi Reasoning hau e tau huhu pihia ke mukamuka ka veveu. Ka fai mena kakano ke haga ki ai ka liu aahi atu, to fiafia e loto hau ke liu aahi fakamoli atu ki a lautolu oti ne feleveia mo koe.