Talahauaga Hagaao ke he Tau Mekasini

The Watchtower Apr. 15

“He tau tau ne mole laia kua tokologa e tau tagata ne mailoga e to hifo muatua he tau mena uho fakaagaga. Kua mailoga nakai e koe e mena nai? [Fakaata ma e tali. Ti totou Salamo 119:105.] Maeke e tau mena uho fakaagaga ke lagomatai e tau tagata ke kalo kehe mai he tau matahele loga he moui. Tuhi e mekasini nei ke he mena ke moua mai ai e tau mena uho fakaagaga moli.”

Awake! Apr. 22

“He lalolagi holo mafiti he vaha nei, tokologa ne manamanatu kua mafiti lahi e tutupu he tau fanau. Fakatupetupe nakai e mena nei ki a koe? [Fakaata ma e tali. Ti totou Fakamatalaaga 3:1, 4.] Nakai lata e magaaho ia he vaha tama tote ke hahamo e tau kavega he tau tagata lalahi. Tutala e fufuta nei he Awake! ke he puhala kua maeke he tau mamatua ke leveki e vaha tama tote he tau fanau ha lautolu.”

Ko e Kolo Toko Me 1

“Ko e falu huhu kua nakai maeke e iloilo he tagata ke tali. Mailoga e fakatai nei. [Totou Iopu 21:7.] Kua fai huhu nakai a koe ne manako ke huhu ke he Atua? [Fakaata ma e tali.] Fakamaama mai he mekasini nei e puhala ne moua aki he tau tagata he tau kalakala oti he lalolagi e tau tali kua makona ke he tolu e huhu aoga lahi ke he moui.”

Awake! May 8

“Tokologa ia tautolu ne fai tagata ne iloa kua moua he gagao suka. Lahi nakai e mena hau ne iloa ke he gagao nei? [Fakakite e kili he mekasini, ti fakaata ma e tali.] Kumikumi he mekasini nei e tupumaiaga mo e tau tuluiaga he gagao suka. Ti tutala foki ke he maveheaga he Tohi Tapu ke he tuluiaga tukulagi ma e tau gagao oti kana.” Fakaoti he totou Isaia 33:24.