Tau Fakailoaaga

◼ Tohi foaki ma Fepuari 21–Mati 20: Matagahua pauaki ke tufa he Kia Mataala! Mati 21-31: Iloilo ne Takitaki Atu ke he Moui Tukulagi. Aperila mo Me: Fakaaoga ua e Ko e Kolo Toko mo e Awake! Ka taute e tau liu ahi atu ki a lautolu ne fiafia, putoia a lautolu ne fakalataha ke he Fakamanatuaga po ke falu gahua fakateokarasi ka e nakaila fakalataha tumau mo e fakatokatokaaga. Hagaaki ke foaki e tohi Tapuaki ke he Atua. Taute e tau laliaga oti ke kamata e fakaakoaga Tohi Tapu he kaina, mua atu ka fai tagata kua fita he fakaako e tohi Iloilo mo e porosua Manako. Iuni: Ko e Heigoa e Manako he Atua ma Tautolu?

◼ Kua lata e tau fakapotopotoaga ke age e tau fufuta fou he Ko e Kolo Toko mo e Awake! he magaaho ia ni ka moua. To fakaata he mena ia e tau tagata fakailoa ke iloa e tau vala tala i loto ato foaki e tau mekasini he fekafekauaga he fonua. Ko e Ha Tautolu a Fekafekauaga he Kautu kua lata ke age foki ke he tau tagata fakailoa he mogoia ni ka moua. Liga tufa foki ka taute e Fakaakoaga Tohi he Fakapotopotoaga.

◼ He ha magaaho ka tauteute e tagata ke fano fenoga ti putoia e fina atu ke he tau feleveiaaga he fakapotopotoaga, ke he toloaga, po ke fonoaga he fahimotu he taha motu, ko e ole hau ke he tau vala tala ke he tau aho, tau tula, mo e tau matakavi kua lata ni ke ta atu fakahako ke he la ofisa ne leveki e gahua he motu ia. Ko e tau kaina he tau la ofisa kua tohi he lau fakahiku he Yearbook fou.

◼ Kua lata e tohikupu he tau fakapotopotoaga ke loga tumau e tau laupepa Application for Regular Pioneer Service (S-205) mo e Application for Auxiliary Pioneer Service (S-205b). Maeke e tau laupepa nei ke ota he fakaaoga e Literature Request Form (S-14). Lali ke fakatumau ke lahi e ota ma e tau katoa.

◼ To fakahoko e Fakamanatuaga he Aho Tuloto, Mati 24, 2005. Ka mahani e fakapotopotoaga ha mutolu ke feleveia he Aho Tuloto, kia hiki ke he taha aho he fahi tapu ia kaeke ata e Fale he Kautu. Ka nakai maeke ti lauia e Feleveiaaga Fekafekau ha mutolu, ko e tau vala ne felauaki tonu e fakapotopotoaga ha mutolu ka liga lafi atu ke taute mo e taha Feleveiaaga Fekafekau foki.

◼ Kua fai tagata fakailoa ne hea atu ke he la ofisa hagaao ke he falu lologo tapaki he tau lologo he Kautu ne kua uhu aki e tau leo talahaua hane feutaaki ke he Tau Fakamoli a Iehova. Kua tehatehaua a lautolu nukua fakaata nakai he fakatokatokaaga e tau lologo tapaki nei. Kua fita e mailoga e mautolu e tau lologo tapaki nei ti manako ke fakailoa atu ki a mutolu kua nakai fai fakaataaga mai ia mautolu. Fakamolemole kia nakai tufa po ke tapaki mai e tau lologo nei he Internet. Kua falanaki a mautolu to fakamaama he vala tala nei e fekau nei.