Liu Fakamanatu he Aoga Fekafekau Fakateokarasi
Ko e tau hūhū i lalo ka fakatutala he Aoga Fekafekau Fakateokarasi he faahi tapu ka kamata ia Fepuari 27, 2006. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau faahi tapu ia Ianuari 2 ki a Fepuari 27, 2006. [Mailoga: Ka nakai fai fakamooliaga talitua e matahiku he huhu, kua lata ke taute ni e koe e kumikumiaga fakatagata hau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. Ko e heigoa e tau puhala ne lagomatai he Aoga Fekafekau Fakateokarasi a tautolu ke ‘uta e poa fakaheke ke he Atua mo e fakaaue atu ke he hana higoa’? (Hepe. 13:15) [be lau 5 para. 3–lau 6 para. 1]
2. Ko e ha kua lata ia tautolu ke lali fakamakutu ke totou fakahako? [be lau 83 para. 1-5]
3. Ka vagahau mo e fakaako atu a tautolu, ko e ha ne aoga lahi ke maama e vagahau? [be lau 86 para. 1-6]
4. Ko e ha ne aoga ai ke hako e puhala fakaleo, ti ko e heigoa e tau mena kua lata ke mailoga? [be lau 89 para. 1–lau 90 para. 2, puha]
5. Ko e heigoa falu a manatu ka lagomatai a tautolu ke mahifi ke he tau tutalaaga? [be lau 94 para. 4-5, puha]
KOTOFAAGA NU. 1
6. Fakakite fēfē he 2 Nofoaga he Tau Patuiki 36:17-23 e mooli he perofetaaga he Tohi Tapu? [bsi06 lau 4 para. 35]
7. Ko e heigoa e tau mena tutupu fetui ati maeke ai he tau Iutaia ke liliu ke he motu ha lautolu he 537 F.V.N. ke atihake e fale ha Iehova? [bsi06 lau 5 para. 1-3]
8. Puhala fe ne fakamatalahi he tohi ha Esera a Iehova ko e Atua mooli mo e ati e mauokafua ki a ia? [bsi06 lau 6 para. 14, lau 7 para. 18]
9. Ko e ha ne aoga e “tau ne uafulu aki he patuiki ai a Aretaseta” he matohiaga he Tohi Tapu? (Nehe. 2:1, 5, 6, 11, 17, 18) [bsi06 lau 7 para. 2, lau 8 para. 5]
10. Eke fēfē a Nehemia mo fakafifitakiaga mitaki ma e tau fekafekau he Atua he vahā nei? [bsi06 lau 8 para. 16-17]
TOTOUAGA HE TOHI TAPU FAKAFAAHI TAPU
11. Ne age nakai e Urima mo e Tumima, ne fa fakaaoga ke moua e tali mai ia Iehova, ki a lautolu ne liliu he paeaaga? (Esera 2:61-63)
12. Ko e ha ne tokologa e tau Iutaia i Papelonia ne nakai mahalo ke o hake mo Esera ki Ierusalema? (Esera 7:28–8:20)
13. Maeke fēfē ke gahua lima taha he taute e gahua liu ati hake? (Nehe. 4:17, 18)
14. Ha kua fa mahani e tohi ke he tau mena galo ke tuku he faga ti fakamau, ko e ha ne fakafano e Sanepalata e “tohi nakai fakamau” ki a Nehemia? (Nehe. 6:5)
15. Ke lafi ke he “taufetoko” mo e tau Iutaia hane tolomuli ki tua ke he tau mahani tuai, tuga ne taute fakamua e ia mo e tama patuiki mo e tau iki, ko e heigoa e tau fakatonuaga ne taute e Nehemia? (Nehe. 13:25, 28)