Tau Fakailoaaga

◼ Tohi foaki ma Ianuari: Ha tohi ne tohi fakailoa ato hoko e 1991. Ma e taha foaki, maeke ia koe ke fakaaoga e tohi Iloilo. Fepuari: Fakatata Atu ki a Iehova. Ma e taha foaki, maeke ia koe ke fakaaoga e tohi Iloilo. Mati: Ko e Heigoa ne Fakaako Moli he Tohi Tapu? Aperila mo Me: Fakakite e lagaki he Ko e Kolo Toko mo e Awake! Ka taute e tau liu aahi atu ki a lautolu ne fiafia, hagaaki ke foaki e tohi Fakaako he Tohi Tapu.

◼ Kamata ia Fepuari, mo e nakai molea a Mati 4, ko e lauga foou ma e toloaga he tau leveki takaiaga ko e “Lalolagi Foou he Atua​—Ko Hai Ka Hokotia ke Hūhū ki Ai?”

◼ Ko e polokalama vitiō Young People Ask​—What Will I Do With My Life? ka fakatutala ki ai he Feleveiaaga Fekafekau ia Aperila. Ka manako ki ai, kua lata ke ota fakamafiti e tau lagaki puhala he fakapotopotoaga.

◼ Kua lolomi e tau tohi vagahau Saina ha tautolu ke he ua e puhala tohi. Ko e tau tagata mai Hogo Kogo mo Taiuana kua fa mahani ke totou he puhala tohi tuai, ne fakahigoa e tautolu ko e “Chinese” (CH). Laulahi he tau tagata totou Saina ne toe kua fa mahani ke totou ke he puhala tohi fakamukamuka ne hagaao ki ai ko e “Simplified Chinese” (CHS). Ha kua nakai tatai e puhala tohi ne totou mo e puhala vagahau, pete he vagahau Cantonese, Mandarin, po ke taha vagahau Saina foki, kua aoga ke iloa e puhala tohi ne manako a ia ki ai. Ko e tohi tote Good News for People of All Nations, lau 16-17, ka liga fakaaoga ke fakatatai aki. He puhala nei, to hako e tohi ka ole ki ai.

◼ Kua lata e tau fakapotopotoaga ke taute e tau fakatokaaga kua latatonu ke fakahoko e Fakamanatuaga he tau nei he Aho Gofua, Aperila 2, ka mole e toaga laā. Pete ka kamata tuai e lauga, ko e uta viko he tau mena fakatai kua nakai lata ke kamata ato mole e toaga laā. Fakakia ke he tau fakailoaaga he matakavi ke iloa tonu ko e magaaho fe e toaga laā he matakavi ha mutolu. Kia lali e tau fakapotopotoaga takitaha ke igatia ni mo e taute e Fakamanatuaga. Ka e, liga to nakai maeke ke pihia tumau. Ko e tau fakapotopotoaga ne fakaaoga auloa e Fale he Kautu, liga taha po ke loga e fakapotopotoaga ka kumi ke fakaaoga falu fale kehe he afiafi ia. Ka maeke, kua pulega atu a mautolu ke fakaatā kavi ke he 40 e minuti he vahāloto he tau fakaholoaga ke maeke he tau tagata oti ke aoga katoatoa mai ke he lafiaga ka hili e Fakamanatuaga. Kua lata foki ke manamanatu ke he holoaga mo e paakaaga he tau peleōafi, pihia he tamai mo e uta he tau pasese. Ko e kau he tau motua kua lata ke fifili e tau fakatokaaga kua latatonu ma e matakavi.

◼ Kua lata e tohikupu he tau fakapotopotoaga ke moua e tohi kotofa paionia (S-202) ma e tau paionia tumau takitaha he fakapotopotoaga. Kaeke nakai moua, kua lata ia lautolu ke tohi ke fakailoa ke he la ofisa.