Liu Fakamanatu he Aoga Fekafekau Fakateokarasi

Ko e tau hūhū i lalo ka fakatutala he Aoga Fekafekau Fakateokarasi he faahi tapu ka kamata ia Fepuari 28, 2011. Ko e leveki aoga ka taute e liu fakamanatu ke he 20 e minuti he fakavē ke he tau tohi ne fakaaoga ke he tau kotofaaga he tau faahi tapu ia Ianuari 3 ki a Fepuari 28, 2011.

1. Ko e heigoa e gahua ne tamata e Hesekia he kamata a ia ke patuiki, ti puhala fe kua maeke ia tautolu ke fifitaki a ia he vahā nei? (2 Nofo. 29:16-18) [w09 6/15 lau 9 para. 13]

2. Ko e heigoa ha tautolu ka fakaako ke he fakauka ha Iehova he 2 Nofoaga he Tau Patuiki 36:15-17? [w05 12/1 lau 21 para. 6]

3. Puhala fe ne lalago he Esera 3:1-6 e fakamooliaga he Tohiaga Tapu na oti he magaaho tonu e 70 tau ne taluē ai a Ierusalema? [w06 1/1 lau 21 para. 3]

4. Ko e ha ne ofogia ai a Esera he iloa kua femauaki e tau tagata he motu? (Esera 9:1-3) [w06 1/1 lau 22 para. 1]

5. Ko e ha ne nakai talia e Nehemia e uiina ke feleveia mo e tau tagata totoko haana? [w07 7/1 lau 28 para. 13]

6. Puhala fe he Kovana ko Nehemia kua eke ai mo fakafifitakiaga mitaki lahi ke he tau leveki Kerisiano? (Nehe. 5:14-19) [bsi06 lau 8 para. 16]

7. Tuga e tau Isaraela he vahā a Nehemia, puhala fe ka kalo mai a tautolu he fakaheu e “fale he Atua ha tautolu”? (Nehe. 10:32-39) [w98 11/1 lau 19 para. 12]

8. Ka kitekite ke he puhala moui ha Nehemia liga omoi a tautolu ke hūhū hifo e tau hūhū fēfē? (Nehe. 13:31) [w96 10/1 lau 14 para. 3]

9. Mahani faivao kia a Eseta mo e Patuiki ko Ahasueru? (Eseta 2:14-17) [w91 1/1 lau 31 para. 6]

10. Ko e ha ne fakatikai a Moretikai ke tukutukuhifo ki a Hamanu? (Eseta 3:2, 4) [w06 3/1 lau 21 para. 3]