Liu Fakamanatu he Aoga Fekafekau Fakateokarasi

Ko e tau hūhū i lalo ka fakatutala he Aoga Fekafekau Fakateokarasi he faahi tapu ka kamata ia Tesemo 31, 2012. Ko e aho ka fakatokatoka e tau manatu takitaha ke fakatutala ne putoia ke maeke e kumikumiaga ke tauteute ke lata ma e aoga he tau faahi tapu takitaha.

1. Fakamooli fēfē e perofetaaga he Ioelu 2:1-10, 28 ke he moumouaga ne taute he tau hē? [Nove. 5, w07 10/1 lau 7 para. 6]

2. Ko e heigoa e hoge ne lauia a lautolu ne nakai taute e tapuakiaga mooli mo e ko e heigoa e kakano ati fiafia ai e tau tagata ha Iehova? (Amosa 8:11) [Nove. 12, w04 12/1 lau 17 para. 21-22]

3. Ko e heigoa ne liga lafi ke he loto fakatokoluga he tau Etoma, mo e ko e heigoa e mena mooli kua nakai lata ia tautolu ke nimo? (Ope. 3, 4) [Nove. 19, w07 11/1 lau 19 para. 1]

4. Puhala fe ne fakakite e Iehova kua hiki e manatu haana ke he malaia ne talahau e ia ka fakahoko ke he tau tagata i Nineva? (Iona 3:8, 10) [Nove. 19, w07 11/1 lau 19 para. 14]

5. Ko e heigoa e kakano ke ō ke he higoa a Iehova? (Mika 4:5) [Nove. 26, w03 9/1 lau 12 para. 19]

6. Ko e heigoa kua fakamalolō mai he fakamooliaga he perofetaaga ne fakamau he Nahuma 2:6-10 kua foaki mai ki a tautolu? [Tese. 3, w07 12/1 lau 9 para. 2]

7. Ko e heigoa e kakano he Hakai 1:6, mo e ko e heigoa e fakaakoaga kua lata ia tautolu ke tokaloto? [Tese. 10, w06 5/1 lau 5-6 para. 12-15]

8. Maeke fēfē ia tautolu ke fakagahua e fakatonuaga aoga ne fakamau ia Sakaria 7:10 ke ‘aua foki neke manamanatu ke he tau loto e kelea he taha ke he taha’? [Tese. 17, w07 12/1 lau 28 para. 2]

9. Ko e ha e tau kupu ha Sakaria 4:6, 7 ne mafanatia ai ke he tau tagata tapuaki ha Iehova he vahā nei? [Tese. 17, w07 12/1 lau 27 para. 8]

10. He onoono ke he talahauaga he Malaki 3:16, ko e ha kua nakai lata ia tautolu ke fakalolelole e fakamakamaka ha tautolu ke fakatumau e mahani fakamooli ha tautolu ke he Atua? [Tese. 31, br1 lau 31 para. 2]